Alavesek ez du erreakzionatu eta Osasunak urrezko hiru puntu eraman ditu (0-1)
Osasunak garrantzi handiko garaipena lortu du Mendizorrotzan, Alaves 0-1 menderatu ostean. Hala, nafarrak jaitsiera postuetatik aldendu dira eta babazorroak, aldiz, oso egoera zailan geratu dira.
Kike Barjak egin du gola, erritmo eta aukera handirik gabeko norgehiagoka batean. Hala ere, Osasuna bigarren zatian aurreratu egin da eta Alavesek ezin izan du partida irauli. Izan ere, Abelardoren taldeak luzapenean egin du hiru zutoinen arteko jaurtiketa bakarra.
36. minutuan, Florian Lejeunek eta Victor Laguardiak gorritxoen lehen gola ekidin dute, Ante Budimirrek eta Jonathan Callerik elkarren segidan errematatu ondoren. Hori izan da lehen zatiko jokaldirik onena.
Glorioso Ruben Duarte eta Facundo Pellistri zelairatu direnean esnatu da, baina laster iritsi da Osasunaren beste jaurtiketa bat, Jonathan Calleriren partez. Hau, ordea, Fernando Pachecok gelditu du, 53. minutuan.
78. minutuan sartu du gola Kike Barjak, Roberto Torresen jokaldi on bati esker. Luzapenean, Abelardoren jokalariek berditzeko aukera izan dute, baina Sergio Herrerak Joselu Matoren jaurtiketa gelditu du eta hiru puntuak Iruñera joan dira.
Fitxa teknikoa:
0 - Alaves: Pacheco; Ximo (Deyverson, 83.min), Laguardia (68.min), Lejeune, Aguirrebabiria (Duarte, 46.min); Manu, Edgar (Rioja, 72.min), Pina, Cordoba (Pellistri, 46.min); Joselu eta Lucas Perez.
1 - Osasuna: Sergio Herrera; Nacho Vidal, Aridane, David Garcia, Juan Cruz; Oier, Torro (Moncayola, 77.min), Roberto Torres, Ruben Garcia (Unai Garcia, 87.min); Budimir (Enric Gallego, 87.min) eta Calleri (Kike Barja, 66.min).
Golak: 0-1, 78.min: Kike Barja.
Epailea: Jose Maria Sanchez Martinez (Murtziako batzordea). Alaveseko Pinari (43.min) eta Lucas Perezi (82.min) eta Osasunako Unai Garciari (30.min), Nacho Vidali (40.min), David Garciari (65.min) eta Juan Cruzi (73.min) erakutsi die txartel horia.
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Realak udako lehen porrota jaso du Tolousen aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Tolousen aurka 2-1 galdu ostean. Laugarren lagunartekoa zen donostiarrentzat. Golegileak Vignolo eta Hidalgo izan dira Tolousentzat. Realaren gola, berriz, Solerrek sartu du faltaz.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.