Osasuna eta Reala elkarren aurka arituko dira urriaren 10ean
Osasunak eta Realak adiskidantzazko neurketa bat jokatuko dute urriaren 10ean, Taxoaren, 11:00etatik aurrera.
Hain zuzen ere, Santander Ligak etenaldia izango du data horietan, selekzioen nazioarteko norgehiagokak direla-eta; ondorioz, talde biak elkarren aurka arituko dira prestaketa gisa balioko dien partida batean.
Aipatu partida ikustera doan sartu ahal izango dira bai Osasunako bazkideak, bai klub gorritxoaren jarraitzaile txartela dutenak, baita Realeko bazkideak ere. Gainerako publikoak 10 euro ordaindu beharko ditu neurketa ikusi ahal izateko. Sarrerak Taxoareko txarteldegian egongo dira salgai norgehiagokaren egunean bertan.
Dena den, Osasunak bere YouTubeko kanaletik zuzenean jarriko du ikusgai lagunartekoa.
Gorritxoek eta txuri-urdinek dagoeneko jokatu zuten beste adiskidantzazko partida bat denboraldi-aurrean, Irungo Gal futbol-zelaian. Orduko hartan, Imanol Alguacilen jokalariak gailendu ziren bi eta hutseko emaitzarekin. Oyarzabal eta Portu izan ziren donostiarren golegileak.
Zure interesekoa izan daiteke
Ukabilkada eta tangana ikusgarria Aragoiko derbian
Andrada, Zaragozako atezaina, kaleratu egin dute Pulido Huescako kapitainari bultza egiteagatik. Txartel gorria ikusi bezain laster, kontrola galdu du eta ukabilkada bat eman dio aurpegian Pulidori.
García de Haro: “Birtualki salbazioa ematen diguten hiru puntu dira"
Osasunako jokalariak berdinketaren gola sartu du Sevillaren aurka, eta horrek emaitza iraultzeko balio izan du (2-1), EA Sports Ligako 32. jardunaldian.
Realak Madril CFF garaitu du, eta eskura dauka Txapeldunen Liga (2-0)
Realak 2-0 irabazi dio Madril CFF talde gogorrari Zubietan, eta datorren denboraldian Txapeldunen Ligan jokatzeko aukera ematen duen hirugarren postuan egonkortu da. Lavogezek eta Ceciliak sartu dituzte golak.
Catenak azken txanpan eman dio garaipena Osasunari Sevillaren aurka (2-1)
Sevillak aurrea hartu du Maupayren golarekin, baina Raul Garcia de Harok eta Catenak partida irauli dute Sadarri garaipena oparitzeko. Garaipenari esker, gorritxoek arnasa eman diote Alavesi mailari eusteko borrokan.
Realak garaipenari ihes egiten utzi dio erotzeko norgehiagokan Vallecasen (3-3)
Pellegrino Matarazzoren taldea 1-3 irabazten ari zen 75. minutuan, baina Rayok partida berdintzea lortu du luzapenean. Neurketaren azken txanpan denetarik gertatu da, eta polemika piztu da epailearen erabakiengatik.
Pablo Marin: “Amorru handia ematen du azken minutuetan puntuek ihes egiteak”
Pablo Marin Realeko jokalariaren adierazpenak, Rayo Vallecanoren aurka 3-3 berdindu ostean, EA Sports Ligako 32. jardunaldiko partidan. (Adierazpenak gaztelaniaz)
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.