Athletic, Osasuna eta Reala, Genuine liga txapelketan
Vila-realen kirol-instalazioek hartuko dute asteburu honetan Genuine liga txapelketako lehen jardunaldia. Bertan,16 urte baino gehiago duten jokalariz osatutako 18 taldek parte hartuko dute (tartean Athletic, Osasuna eta Realak) 27 partida jokatzeko. Aipatu jokalariek % 33tik gorako adimen-desgaitasuna izan behar dute egiaztatuta.
Lehiaketaren helburua da "kiroltasuna lehiakortasunaren gainetik jartzea". Horrenbestez, LaLigako webgunean irakur daitekeenez, "txapelketan zehar ez dira bakarrik kirol-emaitzak kontuan hartzen, baita norgehiagoketan erakutsitako kiroltasunezko jarrera positiboak ere. Hori dela eta, jardunaldi bakoitzean taldeek hainbat puntu jasoko dituzte honako alderdi hauek kontuan hartuta: jokalariek, entrenatzaileek eta zaleek izandako portaera, kirol-jarrera eta joko garbia".
Genuine ligako taldeak:
- Athletic
- Atletico
- Celta
- Kordoba
- Deportivo
- Espanyol
- Girona
- Huesca
- Las Palmas
- Levante
- Mallorca
- Nàstic
- Osasuna
- Reala
- Rayo
- Reus
- Valentzia
- Vila-real
Txapelketa hori zortziko futbol eran jokatuko da, eta 3 taldez osatutako 6 multzotan egongo da banatuta. Partida bakoitzak 10 minutuko 4 zati izango ditu.
Asteburu honetan ligako lehendabiziko lehen hiru jardunaldiak lehiatuko dira, larunbat goizean, larunbat arratsaldean eta igande goizean.
Larunbat goizean:
Athletic-Espanyol, 09:00etan
Reala-Atletico, 10:00etan
Osasuna-Rayo, 12:00etan
Larunbat arratsaldean
Athletic-Valentzia, 16:30ean
Reala-Villarreal, 18:30ean
Osasuna-Levante, 19:30ean
Igande goizean
Depor-Athletic, 09:00etan
Mallorca-Reala, 10:00etan
Huesca-Osasuna, 12:00etan
Liga honetan egingo diren lau kontzentrazioetatik lehena egin ostean, bigarrena Tarragonan jokatuko da 2018ko urtarrilaren 19tik 21era; hirugarrena, Mallorcan, apirilaren 13tik 15era; eta azkena, Vigon, ekainaren 8tik 10era.
Zure interesekoa izan daiteke
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
