Messik Urrezko Baloia irabazi du, bosgarrenez
Lionel Messi argentinarrak 2015eko Urrezko Baloia irabazi du astelehen honetan, Zurichen egin den sari banaketan. Bartzelonako jokalariak bosgarrenez irabazi du France Football aldizkariak eta FIFAk ematen duten saria.
Messik 2009an, 2010ean, 2011n eta 2012an irabazi zuen Urrezko Baloia, baina azken bi urteetan Cristiano Ronaldo izan da irabazlea. 2015ean, ordea, Lionel Messik garaikurra berreskuratu du.
Real Madrileko jokalaria den Cristiano Ronaldo izan da bigarren sailkatua eta Neymar Junior Bartzelonako jokalari brasildarra, hirugarren. Messik botoen %41,33 lortu du, Cristianok %27,76 eta Neymarrek %7,86.
Messi, Cristiano Ronaldo eta Neymar urteko hamaikako onenean ere sartu dira Neuer, Thiago Silva, Marcelo, Sergio Ramos, Alves, Pogba, Iniesta eta Modric jokalariekin batera.
Entrenatzaileei dagokienean, Luis Enrique (FC Bartzelona) izendatu dute 2015eko entrenatzaile onena. Asturiarrak Jorge Sampaoli (Txileko hautatzailea) eta Josep Guardiola (Bayern Munchen) gainditu ditu bozketan.
Emakumezkoen futbolean, aldiz, Carli Lloyd (Estatu Batuetako kapitaina) izendatu dute 2015eko jokalari onena eta Jill Ellis (AEBetako hautatzailea), urteko entrenatzaile onena.
Puskas Saria urteko gol onenari ematen zaio, eta 2015eko gol onena Wendell Lira brasildarrak lortu du.
URREZKO BALOIAren, irabazleak
2015 Lionel Messi (Bartzelona/Argentina)
2014 Cristiano Ronaldo (Real Madril/Portugal)
2013 Cristiano Ronaldo (Real Madril/Portugal)
2012 Lionel Messi (Bartzelona/Argentina)
2011 Lionel Messi (Bartzelona/Argentina)
2010 Lionel Messi (Bartzelona/Argentina)
2009 Lionel Messi (Bartzelona/Argentina)
2008 Cristiano Ronaldo (Manchester United/Portugal)
2007 Kaka (Milan/Brasil)
2006 Fabio Cannavaro (Real Madril/Brasil)
2005 Ronaldinho (Barcelona/Brasil)
2004 Andriy Shevchenko (Milan/Ucrania)
2003 Pavel Nedved (Juventus/Txekiar Errepublika)
2002 Ronaldo Nazario (Real Madril/Brasil)
2001 Michael Owen (Liverpool/Ingalaterra)
2000 Luis Figo (Real Madril/Portugal)
1999 Rivaldo (Bartzelona/Brasil)
1998 Zinedine Zidane (Juventus/Frantzia)
1997 Ronaldo Nazario (Inter Milan/Brasil)
1996 Matthias Sammer (Borussia Dortmund/Alemania)
1995 George Weah (Milan/Liberia)
1994 Hristo Stoichkov (Barça/Bulgaria)
1993 Roberto Baggio (Juventus/Italia)
1992 Marco van Basten (Milan/Holanda)
1991 Jean-Pierre Papin (Oympique Marsella/Frantzia)
1990 Lothar Matthäus (Inter de Milan/Alemania)
1989 Marco van Basten (Milan/Holanda)
1988 Marco van Basten (Milan/Holanda)
1987 Ruud Gullit (Milan/Holanda)
1986 Igor Belanov (Dinamo Kiev/URSS)
1985 Michel Platini (Juventus/Frantzia)
1984 Michel Platini (Juventus/Frantzia)
1983 Michel Platini (Juventus/Frantzia)
1982 Paolo Rossi (Juventus/Italia)
1981 Karl-Heinz Rummenigge (Bayern de Múnich/Alemania)
1980 Karl-Heinz Rummenigge (Bayern de Múnich/Alemania)
1979 Kevin Keegan (Hamburgo/Ingalaterra)
1978 Kevin Keegan (Hamburgo/Ingalaterra)
1977 Allan Simonsen (Borussia M'Gladbach/Danimarka)
1976 Franz Beckenbauer (Bayern Munich/Alemania)
1975 Oleg Blochin (Dinamo Kiev/URSS)
1974 Johan Cruyff (Barça/Holanda)
1973 Johan Cruyff (Barça/Holanda)
1972 Franz Beckenbauer (Bayern Munich/Alemania)
1971 Johan Cruyff (Ajax/Holanda)
1970 Gerd Müller (Bayern Munich/Alemania)
1969 Gianni Rivera (Milan/Italia)
1968 George Best (Manchester United/Ipar Irlanda)
1967 Florian Albert (Ferencvaros/Hungaria)
1966 Bobby Charlton (Manchester United/Ingalaterra)
1965 Eusebio (Benfica/Portugal)
1964 Denis Law (Manchester United/Escocia)
1963 Lev Yashin (Dinamo Moskva/URSS)
1962 Josef Masopust (Dukla Praga/Txekiar Errepublika)
1961 Omar Sivori (Juventus/Italia)
1960 Luis Suarez (Barça/Espainia)
1959 Alfredo di Stéfano (Real Madrid/España)
1958 Raymond Kopa (Real Madril/Frantzia)
1957 Alfredo di Stefano (Real Madrid/Espainia)
1956 Stanley Matthews (Blackpool/Ingalaterra)
Zure interesekoa izan daiteke
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Rochdaleko eromenetik Yorkeko estasira, igoerarik sinesgaitzena 103. minutuan
National Leaguek (Ingalaterrako Bosgarren Maila) futbolaren historiako amaierarik sinesgaitzenetako bat utzi du. York Cityk futbol profesionalera igotzea lortu du 103. minutuan sartutako golari esker, Rochdalek 95. minutuan egindako golarekin garaipena eskuratuta zuela pentsatu eta gero.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Athletic nahi eta ezin aritu da Granadaren aurka Lezaman (1-2)
Athleticek 1-2 galdu du Granadaren aurka Lezaman jokatu duen partida. Andaluziako taldea oso eraginkorra izan da, eta 0-2 aurreratu da markagailuan. Talde zuri-gorriari asko kostatu zaio Granadaren atea zulatzea, eta gola luzapenean sartu du. Ane Elexpuruk egin du.
Matarazzo: “Sendo amaitu nahi dugu denboraldia"
Pelegrinno Matarazzok adierazi du "oso garrantzitsua" dela denboraldia "ahalik eta hobeto" bukatzea, "hurrengoa ondo hasteko". Horrela, bada, Reala larunbat honetan Rayo garaitzen saiatuko dela ziurtatu du.
Lisci: “Biharkoa urteko partidarik garrantzitsuena da"
EA Sports Ligako 32. jardunaldian Sevillaren aurka jokatuko duten partidari buruz hitz egin du Osasunako entrenatzaileak.
Bautistak igoera postuetarantz gidatu du Eibar Albaceten (0-3)
Aurrelari armaginaren 'hat-trick' batek garaipena eman dio talde gipuzkoarrari, play-off postuetan kokatuz.