Kataluniak abenduaren 26an jokatu nahi du Euskal Selekzioaren aurka

Kataluniako Futbol Federazioak data berri bat proposatu dio Euskal Federazioari bi gizonezkoen selekzioen arteko neurketarako: abenduaren 26a, larunbata. Abenduaren 27an jokatzekoa zen, baina Ligako egutegi aldaketak eta abenduaren 30ean jardunaldi berri bat sartzeak zalantzak piztu dituzte.

Euskal Federazioa harremanetan jarri da euskal taldeekin. Eibarrek baietz erantzun du, baina oraindik Athleticen eta Realaren baieztapenak falta dira.

BBVA Ligako 17. jardunaldia arazoa izan daiteke, baita klubek eta futbolarien sindikatuak adostutako oporraldia larunbateko 18:00ak arte luzatzea ere.

Edozein kasutan, emakumezkoen bi selekzioen arteko lagunartekoa igandean, abenduaren 27an, izango da.