Bidasoak gol bakarrarengatik galdu du Alemanian, eta Artalekun izango du lauko finalerako sailkatzeko aukera
Irudek Bidasoa-Irun aurrerapauso handia eman du astearte honetan, Europako Ligako azken fasera sailkatu ahal izateko; izan ere, gol bakarreko zuloari egin beharko dio aurre Alemaniako Melsungen taldearen kontra —Bundesligako sailkapenan bigarren dabil— datorren astean, Artalekun. Irungo taldea nagusi izan da lehiako zati handi batean, baina azkenerako apur bat luze egin zaio neurketa (28-27).
Gipuzkoako taldea oso serio hasi da, konplexurik gabe. Salinas anaiek fin ekin diote neurketari, eta etxekoak, ordea, ez dira oso fin aritu atepean. Gauzak bide onetik joan dira lehen zatian.
Gakoa defentsan zegoen, partida honetarako lesionatuta zegoen Kristopans handikote letoniarra falta zen eta, Melsungen ez delako hain indartsua izan eta Bidasoak beti alde batetik edo bestetik golerako bidea aurkitzea lortu izan duelako.
Asier Nieto izan da golari begira bidasotarren helduleku nagusia atsedenaldira arte, markagailuari eusteko, eta Alex Mozas entrenatzaileak ezarritako helburuetako bat lortzeko: Alemaniako taldeak ez zezala ihes egin bolada on baten ostean.
Bigarren zatiaren hasieran 0-6ko partzialari esker aurretik jarri da Gipuzkoako taldea (15-19), defentsa itxi eta Kuban Skrzyniarz fin-fin, atepean.
Hori gutxi ez, eta 0 eta 6ko partzial ikusgarriarekin ekin dio bigarren zatiari Bidasoak, defentsako lan ederra eta, batez ere, Kuban Skrzyniarz atezainaren geldituak oinarritzat hartuta. Hala, etxeko taldeak ia 9 minutu behar izan ditu bigarren zatiko lehen gola erdiesteko, eta, ondorioz, bidasotarrek lau goleko errenta bereganatu dute (15-19, 16-20, 17-21 eta 18-22).
Alabaina, Roberto Garcia Parrondo entrenatzaile espainiarrak gidatzen duen Melsungen taldea atezainik gabe hasi da jokatzen erasoko jokaldietan (zazpi seiren aurka), eta Parrondoren gizonek ondo jakin dute aprobetxatzen abantaila hori, markagailuko aldea gol bakarrera murrizteko, neurketako azken laurdena jokatzeko falta zela.
Une horretan, ordura arte bikain aritu den Bidasoaren beheralditxoa etorri da, eta Melsungen, Erik Balentziaga zarauztarraren gidaritzapean, aurretik jarri da norgehiagokaren azken txanpan. Aitzitik, gol bakarreko aldea baino ez dute erdietsi etxekoek, eta, ondorioz, Bidasoak bere esku dauka kanporaketari buelta emateko aukera, zazpi egun barru Artalekun jokatuko duen partidan. Norgehiagoka EITBn zuzenean jarraitu ahal izango da.
28 - Melsungen: Morawski, Krawczyk, Lichtlein (atezainak); Barrufet (6 pen.), Balenziaga (3), Mandic (1), Moraes (3), Cavalcanti (3), Riecke, Martí Soler, Ignatow, Sipos (2), Svensson (2), Wilfer, Jonsson (5), Kastening (3).
27 - Irudek Bidasoa-Irun: Leo Maciel, Skrzyniarz (atezainak), Furundarena, Esteban Salinas, (5), Julen Mujika (3), Rodrigo Salinas (3), Cavero (3 pen.), Asier Nieto (6), Dariel García (3), Matheus, Gorka Nieto (2), Jevtic, Gey- Emparan, Pedro Pacheco (2), Boskos, Zabala.
Markagailua bost minuturik behin: 2-2; 4-4; 8-6; 9-9; 11-11; 15-13 -atsedenaldia- 15-17; 16-19; 19-22; 23-24; 26-26; 28-27.
Arbitrajea: Bartosz Leszcynski eta Marcin Piechota (Polonia). Cavalcanti, Matheus, Jevtic eta Gey-Emparan kanporatu dituzte bi minutuz.
Gorabeherak: Alemaniano Kassel herriko Rothenbach Halle pabiloian jokatutako Europako Ligako final-laurdenetako joaneko partida, 3.500 bat zaleren aurrean.
Zure interesekoa izan daiteke
Bidasoa-Irunek baditu jada EHF Europako Ligako multzoen faseko aurkariak
Talde irundarra B multzoan arituko da Limoges Handball, FH Hafnarfjordur eta Maríiimo de Madeira Andebol taldeekin batera. Txapelketa irailaren 29an hasiko da.
Pol Quirogak utzita jokatuko du Agustinos Alacanten
Gironako atezainak bigarren denboraldia jokatuko du utzita, 2025-2026an Sinfinen aritu zen.
Bidasoa-Irun taldeburu izango da Europako Ligako multzoen fasean
Hala baieztatu du federazioak astearte honetan, talde gipuzkoarrak Errege Kopako finalera iritsita Europako txartela lortu ostean.
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.