Albiste da:

Bidasoa Irunek Melsungen izango du aurkari Europako Ligako final-laurdenetan

Euskal taldeak Alemaniakoaren aurka jokatuko du final-laurdenetako kanporaketa. Joaneko neurketa Kasselen jokatuko da, eta itzulikoa, Irunen, hilaren 29an.

EITB

2025/04/02 - 14:11

Azken eguneratzea

2025/04/02 - 14:11

Bidasoa Irunek MT Melsungen izango du aurkari EHF Europa Ligako final-laurdenetan. Alemaniako taldean Erik Balenciagak jokatzen du, beraz, zarauztarra etxetik hurbileko taldearen kontra ariko da.

Joaneko partida apirilaren 22an jokatuko da, Kasselen (Alemania), eta itzulerakoa, Artalekun (Irun, Euskal Herria) izango da, apirilaren 29an. Kantxa faktoreak kanporaketari aurre egiten lagunduko diolakoan dago Bidasoa Irun.

Bestalde, MT Melsugen hirugarren da Alemaniako ligan (Bundesliga). 24 jardunaldi jokatuta 38 puntu ditu, eta puntu bakarrera ditu sailkapeneko lehenengo biak: Fuchse Berlin (liderra) eta Hannover-Burgdorf (bigarrena).