Bidasoak Ystads IF menderatu du bigarren zatian (23-29), eta lider da EHF Europako Ligako bere multzoan
Bidasoa Irunek Ystads IF hartu du mendean, 23-29, Ystad Suediako udalerriko Ystad Arenan, asteartean, 2024-25 denboraldiko EHF Europako Ligako multzo faseko bigarren jardunaldian, D multzoaren barnean. Hala, Bidasoa multzoko buru da, Chrobry Glogowrekin berdinduta, biek ala biek hiru puntu dituztela.
Testuinguru horretan, lehen zatia amaitu denean, Suediako taldeak gol bateko abantaila zuen, 14-13. Ystads IF hainbat minututan izan da aurretik markagailuan, eta, gehienez, hiru goleko aldea izan du, 11-8koan, 4-0eko partziala lortuta. Iñaki Caverok hiru gol sartu ditu aurreneko hogeita hamar minutuetan, eta Julen Mujikak, Gorka Nietok eta Asier Nietok, ordea, bina egin dituzte.
Bigarren zatian gauzatu du Bidasoak garaipena. Alex Mozasen gizonek 16 gol egin dituzte zati horretan, eta aurkariek, ordea, soilik bederatzi; izan ere, Suediako taldeak ez du inolako aukerarik izan. Theodoro Boskos eta Asier Nieto izan dira baliabide nagusiak erasoan, eta defentsan bizi-bizi ibili da euskal taldea. Merezi izan du Bidasoak irabaztea, eta garaipen garrantzitsua eskuratu du.
Fitxa teknikoa
23 - Ystads IF: Linden, Hvenfelt; Ekberg (4, 1 penaltiz), Fernebrand (2), Joelsson (5), Landin, Lindstrom, Mansson (1), Martesnsson, Nygren (3), Olsen (3), Persson, Stenmalm (2), Hultberg (1), Lindskog Andersson (1), Wilhorn (1).
29 -Bidasoa Irun: Leo Maciel (1) Skrzyniarz; Cavero (3, 2 penaltiz), Matheus da Silva, Esteban Salinas (3), Furundarena, Dariel Garcia (2), Boskos (5), Gorka Nieto (4), Zabala (1), Jevtic (1), Gey- Emparan (1), Mujika (2), Asier Nieto (6), Asier Iribar, Beraza.
Epaileak: Ramesh Thiyagarajah eta Suresh Thiyagarajah (Alemania).
Gertakizunak: 1.200 zale, Ystad Arenan.
Zure interesekoa izan daiteke
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.
Bidasoa Irun Errege Kopako finalerdietara igaro da, Torrelavega kanporatuta (32-26)
Alex Mozasen taldeak Bada Huesca izango du aurkari larunbateko finalerdian, Horneo Alacant 31-32 mendean hartu ondoren.
Bidasoa Irunek Europako postu baten bila ekingo dio Errege Kopari
Alex Mozasek zuzentzen duen taldeak Bathco BM Torrelavega izango du aurkari final-laurdenetan, denboraldi honetan gauzak oso zail jarri dizkion Jacobo Cuetarak entrenatutako taldea.
Bidasoak João Magalhães fitxatu du
Jokalari portugaldarra FC Portotik dator sei hilabeterako utzita. Akordioa denboraldi amaierara arte luzatu daiteke.