Erronka gogorra Bidasoarentzat Europako Ligako multzoen faseko atarikoan
Bidasoa Irunek Europako Ligako multzoen faseko atarikoari dagokion joaneko partida jokatuko du astearte honetan, Norvegiako Kolstad Handball talde faboritoaren aurka, aurrez aurre izan zezakeen aurkaririk zitalena.
Kolstad talde guztiek saihestu nahi zuten arerioa da; izan ere, Europako dominatzaile berrietako bat da, eta parte hartzen duen txapelketa oro irabazteko hautagaietako bat izango da. Gainera, kanporaketako bigarren neurketa Norvegian jokatuko da, eta horrek are zailago jarriko dizkie gauzak gipuzkoarrei.
Dena den, Jacobo Cuetararen jokalarien asmoa bigarren partida horretara kanporaketa bizirik eramatea da. Cuetara bera sinetsita dago bere taldeak lanak emango dizkiela norvegiarrei, eta ligako bolada ona luzatzen saiatuko dira, elkarren segidako hiru garaipen lotu baitituzte.
Entrenatzaile asturiarrak lesionatutako bi jokalari berreskuratu zituen iragan ostiralean Valladoliden aurka: batetik, Mediterraneoko Jokoetan Espainiarekin urrezko domina lortutako Asier Nieto eta, bestetik, Julen Aginagalde beteranoa.
Christian Bergek, Kolstadeko teknikari eta Norvegiako hautatzaile ohiak, ondo gogoratuko du Bidasoa; izan ere, jokalaria zela irundarren aurka jardun zuen Europako kanporaketa batean, kanpotarren alde atera zena.
Partida 20:45ean hasiko da eta zuzenean ikusi ahal izango da ETB4n eta eitb.eus-en.
Zure interesekoa izan daiteke
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.
Bidasoa Irun Errege Kopako finalerdietara igaro da, Torrelavega kanporatuta (32-26)
Alex Mozasen taldeak Bada Huesca izango du aurkari larunbateko finalerdian, Horneo Alacant 31-32 mendean hartu ondoren.
Bidasoa Irunek Europako postu baten bila ekingo dio Errege Kopari
Alex Mozasek zuzentzen duen taldeak Bathco BM Torrelavega izango du aurkari final-laurdenetan, denboraldi honetan gauzak oso zail jarri dizkion Jacobo Cuetarak entrenatutako taldea.
Bidasoak João Magalhães fitxatu du
Jokalari portugaldarra FC Portotik dator sei hilabeterako utzita. Akordioa denboraldi amaierara arte luzatu daiteke.