Bera Berari aldapa gora jarri zaio Blomberg ahaltsuaren aurkako kanporaketa (25-28)
Super Amara Bera Berak 25-28 galdu du Alemaniako HSG Blomberg talde indartsuaren aurka gaur Gascan jokatu duen Europa Ligako final-laurdenetako joaneko partida, eta, horrenbestez, aldapa gora jarri zaio lauko finalera sailkatzeko kanporaketa.
Donostiako taldeak emaitzak erakusten duena baino neurketa hobea egin du, eta Blomberg menderatzeko ahalmena baduela erakutsi du bigarren zatian. Hala ere, ez ditu bere minuturik onenak ondo aprobetxatu, eta, azkenean, hiru goleko errentarekin gailendu zaio Alemaniako taldea.
Norgehiagoka bizi-bizi hasi da, eta gol asko egon dira, bi taldeak oso emankorrak izan baitira erasoan.
Alemaniako taldea laster aurreratu da markagailuan, bi kontraeraso bikain baliatuta. Hala ere, Bera Berako jokalariek ausardia handiz jokatzen jarraitu dute, lehen zatiaren erdialdean txakalaldia izan duten arte.
Blombergek 6 goleko zuloa egin du, eta Donostiako taldea krisialdian sartu da. Alabaina, Imanol Alvarezek Ogonovszky kantxaratu du, eta jokalari hungariarrak Bera Bera berpiztu du, 4 gol sartuta eta erakustaldia eginda.
Lucia Pradesek geldiketa erabakigarriak egin ditu, eta etxekoak ondo aritu dira lehen zatiko azken hamar minutuetan. Horrela, Bera Bera partidan sartuta joan da atsedenaldira.
Bigarren zatia askoz hobeto hasi du etxeko taldeak, eta 19-18 ipini dira markagailuan. Eroso aritu dira kantxan, eta erakutsi dute badutela gaitasuna Blomberg menderatzeko.
Bera Beraren minuturik onenak izan dira. Defentsan sendo ibili dira, eta erasoan arrisku handia sortu dute, baina ate aurrean ez dute hasieran bezain beste asmatu, eta ezin izan dute zuloa egin.
Blombergek, berriz, ez du barkatu, eta neurketaren azken hamar minutuetan ihes egin du markagailuan. Donostiako taldeak ezin izan du erreakzionatu, eta norgehiagoka 25-28 galdu du.
Kanporaketa berez zaila bazen Bera Berarentzat, are gehiago zaildu zaio orain. Edonola ere, 60 minutu gelditzen dira aurretik, eta Imanol Alvarezen jokalariak balentria egiten saiatuko dira.
Itzuliko partida erabakigarria datorren igandean jokatuko dute, Alemanian, eta zuzenean emango dugu ETB4n eta eitb.eus atarian.
FITXA TEKNIKOA
25- Super Amara Bera Bera: Prades, Kostic (atezainak); Elba Alvarez (gol bat, penaltiz), Tchaptchet (1), Ogonovszky (6), Elke Karsten (5, 4 penaltiz), Arrojeria (3), Laura Hernandez (1), Etxeberria (2), Marie Louis, Gavilan (1), Arroyo (1), Micaela Rodrigues, Erauskin (4) eta Menendez.
28- HSG Blomberg-Lippe: Veith, Ludwig (atezainak); Ona Vegue (9, 4 penaltiz), Michalczik, Rasmussen, Kühne (4), Rüffieux (1), Hauf, Tietjen (1), Quist (7), Muhlner, Frey (1) eta Andrea Jacobsen (5).
Epaileak: Alain Rauchs eta Philipe Linster (Luxenburgo). Elba Alvarez, Arroyo, Ogonovszky, Kühne eta Quist egotzi dituzte.
Markagailua (bost minututik bost minutura): 3-2, 4-5, 6-9, 8-12, 11-13, 12-14 (atsedenaldia); 15-16, 17-18, 19-18, 21-21, 23-25,25-28.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.