Super Amara Bera Bera-Rocasa eta Beti Onak-Atletico Guardes, final-laurdenetako kanporaketak

Super Amara Bera Berak Rocasa Gran Canaria izango du aurkari 2025eko Erregina Kopako final-laurdenetan, astelehen honetan Granollersen egindako zozketaren arabera.

Donostiako taldea egungo txapeldunak da eta Rocasakoen aurka hasiko dute tituluaren defentsa, martxoaren 14tik 16ra jokatuko den txapelketan.

Kanporaketa horretako irabazleak Elda Prestigiok eta Balonmano Porriñok jokatuko duten kanporaketako irabazlearen aurka neurtuko dituzte indarrak finalerdietan.

Beti Onakek, aldiz, Galiziako talde bat izango du aurkari final-laurdenetan, Atletico Guardes, eta, aurrera eginez gero, KH7 Granollersek eta Balonmano Morvedrek jokatuko duten kanporaketaren irabazlearen aurka jokatuko dute.