Bera Berak bigarren garaipena lortu du EHF Europa Ligan, Fredikstadi gailenduta (32-26)
Bera Bera 32 eta 26 gailendu zaio Norvegiako Fredikstad taldeari EHFko Multzoen Faseko hirugarren jardunaldiko norgehiagokan. Gipuzkoako taldeak garaipena lortu zuen lehen jardunaldian, baina bigarrenean, aldiz, galtzaile atera zen.
Kosta egin zaio Donostiako taldeari partidako erritmoa hartzea. Bost minutu itxaron behar izan dituzte Josean Gascako ikusleek etxekoen lehen gola ikusteko. Hala ere, berehala lortu dute aurkariek egindako 3 golak berdintzea.
Pixkanaka-pixkanaka, Novegiako taldea mendean hartzen joan dira. Imanol Alvarezen jokalariak gauzak hobeto egiten hasi dira atzean eta aurrean, eta horrek bere saria izan du. Hiru, lau eta bost goletako aldeak zabaltzen hasi dira, eta zazpi gol ere izan dituzte alde (16-9).
Bera Bera konfiantzaz aritu da, jokoa ondo kontrolatuz, eta horri esker sei goleko aldearekin iritsi dira atsedenaldira (20-14).
Bigarren zatiak lehenengoaren ildo beretik jo du. Donostiarrak nagusi izan dira, nabarmen, jokoaren atal guztietan, lehen minutuetan norvegiarrak 21-17 hurbiltzea lortu duten arren.
Hortik aurrera, Imanol Alvarezen taldeak lehen zatiko bizitasuna eta defentsako lan zorrotza berreskuratu du eta bederatzi gol gora jarri da, bigarren zatiko lan erdietan (28-19).
Norvegiarrak saiatu dira, baina ez dute Bera Bera estutzea lortu. Azkenean, gipuzkoarrak 32 eta 26 gailendu dira.
Fitxa teknikoa
32 - Super Amara Bera Bera: Prades, Kostic (atezainak); Elba Alvarez (1), Tchaptchet (4), Ogonovszky (5), Elke Karsten (6, 2 penaltiz), Arrojeria (4), Laura Hernandez (1), Menendez, Etxeberria (2), Marie Louis (1), Gavilán (1), Arroyo (2, 1 de pen.), Rodrigues, Araujo (2), Erauskin (3) eta Menendez.
26 - Fredrikstad: Jeny Utne, Romer (atezainak); Frida Andersen (4), Blystad (1), Sandtro, Dalsveen (5, 2 penaltiz), Elligsen, Eskerud (1), Henriksen (3), Lauritzen, Jorgensen (5), Solberg (4), Malen Tangen (1) eta Maren Tangen (2).
Epaileak: Tomislav Cindriz eta Roberto Gonzurek (Kroazia). Sandtro (2), Eskerud, Henriksen eta Jorgensen kaleratu dituzte.
Markagailua, bost minuturo: 1-3; 4-5; 7-6; 12-8; 16-10; 20-14- atsedenaldia- 21-17; 24-18; 27-19; 29-21; 31-24; 32-26.
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.