Bera Berak ezin hobeto hasi du Europa Liga (33-28)
Super Amara Bera Bera 33-28 gailendu zaio Paris 92 taldeari, EHF Europa Ligako multzoen faseko lehendabiziko partidan, Gascan. Neurketa estua izan da, baina bigarren zatian askoz hobeto jokatu dute Imanol Alvarezek zuzendutako neskek, eta azkenerako nagusi izan dira kantxan.
Bera Bera eta Paris 92 maila handiko taldeak dira, eta lehendabiziko zatia horren erakusgarri izan da. Norgehiagoka oso orekatua izan da. Donostiako taldea nahiko ondo hasi da, eta aurretik jarri da markagailuan, baina momentu txarrak ere igaro ditu.
Atzean hutsegiteak egin ditu, hainbat aldiz jokalari bat gutxiagorekin geratu da eta erasoko jokoan abiadura falta izan zaio. Hala ere, garaiz erreakzionatu du, eta 12-13ko emaitzarekin, bizirik iritsi da atsedenaldira.
Aldagelatik bueltan, Bera Bera hotz sartu da kantxan. Pare bat baloi galdu ditu, eta berehala bi gol egin dizkio Parisek (12-15). Pixkanaka, baina, erritmo gehiagorekin jokatzen hasi dira etxekoak, baloia azkar berreskuratuta eta erasoan min eginda. Horrela, hiruzpalau minutu zoragarritan, emaitza irauli dute, eta aspaldiko partez, aurretik jarri dira markagailuan (19-17).
Tarte batean, Parisek ondo eutsi dio, baina Bera Berako jokalariek gero eta konfiantza handiagoarekin jokatu dute, indartsu eta gogotsu, hasierako zalantzak uxatuta, eta partida bukatzeko 10 minuturen faltan, zuloa ireki dute: 26-21.
Frantziako taldeak presaz jokatu du azken txanpan, eta horrek ez dio lagundu. Gainera, Kostic bikain aritu da, eta geldiketa erabakigarriak egin ditu, Bera Berak errentari eutsi ahal izateko.
Bost goleko aldearekin iritsi dira azken bi minuetara, eta azkenean ez da ezustekorik izan: Bera Bera 33-28 gailendu zaio Parisi.
Horrela, Donostiako taldeak bikain hasi du bere ibilbidea Europa Ligako multzoen fasean. Hurrengo partida Alemaniako Bensheim-Auerbach taldearen aurka jokatuko du. Datorren larunbatean izango da, 16:00etan, eta norgehiagoka zuzenean ikusi ahalko da ETB4n eta eitb.eus atarian.
FITXA TEKNIKOA
33- Bera Bera: Prades, Kostic (atezainak), Erauskin (2), Menendez, Elba Alvarez (4, 3 penaltiz), Tchaptchet (1), Ogonovszky (4), Karsten (10, 2 penaltiz), Arrojeria (2), Laura Hernandez, Etxeberria (2), Marie Louis (4), Gavilan, Arroyo (2), Rodrigues (2), Joao.
28- Paris 92: Gardienne Placzek, Schapelynck (atezainak); Pina (3), N'Gouan (1), Blonbou (1), Techer, Moretto (2, 1 penaltiz), Thobor (4), Prouvensier (5), Golvet (6), Techer, Kanoute (3), Andon, Cissokho (1), Marqueuses, Fofana (2), Olivier.
Epaileak: Francesco Simone eta Pietro Monitillo (Italia). Tchaptchet, Karsten, Arrojeria, Gavilan eta N'Gouan kanporatu dituzte.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.