Bera Berak Benficaren aurkako kanporaketa gainditu du, estutasunez izan bada ere
Super Amara Bera Berak gainditu egin du EHF Europako Ligako multzoen fasea lehiatzeko Benficaren kontra jokatu duen kanporaketa. Gaur, bi taldeek Gascan jokatu duten partida gogorra izan da, eta Imanol Alvarezen taldeak azken unera arte eman behar izan du barruan zuen guztia. Neurketa 32ra berdinduta amaitu da, baina Lisboan lortutako 2 goleko errentari esker, donostiarrek egin dute aurrera.
Hurrengo kanporaketan, FunFloor Poloniako taldea izango dute aurkari, eta hori gaindituz gero, Bera Bera Europa Ligako multzoen fasean izango da.
Lehen zatia oso parekatua izan da. Donostiarrek argi zuten partida ondo hasi behar zutela, kontzentratuta eta indartsu. Hala egin dute, baina portugaldarrak hazita iritsi dira Gascara, joaneko neurketan lortu zuten emaitzarekin kanporaketa gainditu zezaketela sinetsita, eta estu hartu dute Imanol Alvarezen taldea.
Bera Berak lan nahiko ona egin du defentsan, eta Kostic atezainak hainbat geldiketa erabakigarri egin ditu. Hala ere, erasoko jokoan hainbat aukera galdu dituzte, eta bost jaurtiketetan baloiak zutoina edo langa jo du.
Horrela, gol bateko abantailarekin (16-15) joan dira atsedenaldira bi taldeak, kanporaketa irekita utzita.
Bigarren zatia gorabeheratsua izan da. Hasieran, portugaldarrak askoz hobeto ibili dira, eta aurrea hartu dute markagailuan (16-18); 15. minutuan, berriz, 3 goleko errenta lortu du, lehen aldiz, Bera Berak (26-23), eta partidaren azken txanpara berdinduta heldu dira bi taldeak (28-28).
Bukaera emozio handikoa izan da. Benficak ez du amore eman, eta partida bukatzeko bi minuturen faltan, kanporaketa berdintzea lortu du (30-32). Alabaina, eta sufrituta izan bada ere, neurketa enegarrenez parekatu du Bera Berak, eta hortxe amaitu da partida (32-32). Elba Alvarez, Anne Erauskin eta Carmen Arroyo izan dira gaur gehien nabarmendu diren jokalariak, eta hiruren artean 17 gol sartu dituzte.
Gaurko berdinketarekin eta Lisboan eskuratutako bi goleko abantailari esker, Bera Berak EHF Europa Ligako multzoen fasea lehiatzeko ibilbidean aurrera egin du. Bigarren eta azken kanporaketa FunFloor Poloniako taldearen kontra jokatuko du. Joaneko partida azaroaren 9an edo 10ean izango da, eta itzulikoa, azaroaren 17an, Gascan.
FITXA TEKNIKOA
32- Super Amara Bera Bera: Kostic, Prades; Erauskin (5), Joao, Tchaptchet (3), Arrojeria (4), Ogonovszky (1), Hernandez (1), Etxeberria (1), Arroyo (5, 2 penaltiz), Álvarez (7, 1 penaltiz), Karsten, Gavilan (1), Louis (1), Tapia eta Menendez (3).
32- SL Benfica: Rosa, Carlos; Campos (5), S.M. Da Silva, Unjanque (5), Patricia Rodrigues (6, 2 penaltiz), Pereira, Bolzan e Silva (2), Costa (2), Alves Henriques, Nadia Rodrigues (1), Sequeira (3), Maria Santos (1), Semedo (1), Ferreira (2), Da Silva (2) eta Shunu (2).
Epaileak: Mihai Marian eta Radu Mihai. Txartel gorria atera diete Maria Santosi eta Laura Hernandezi. Hauek kanporatu dituzte: Etxeberria, Tchaptchet, Carmen Arroyo eta Laura Hernandez, etxekoen taldean; eta Bolzan e Silva, Costa, Unjaque (2) eta Campos, bisitarien taldean.
Gertakariak: 1.300 ikusle inguru izan dira Jose Antonio Gasca kiroldegian.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.