Bera Berak Iberiar Superkopako titulua nahi du irabazi berriro, asteburuan, Portugalen
Super Amara Bera Berak, asteburuan, irailaren 7an eta 8an, 2024ko Iberiar Superkopa jokatuko du, Portugalgo Maia hirian; Imanol Alvarezen taldearen helburua izango da berriro lortzea 2023an lortu zuten titulua. Duela urtebete ere gertatu zenez, eta historian bigarrenez, Iberiar Superkopan Espainiako eta Portugalgo talderik onenek hartuko dute parte. Bera Berak, Ligako eta Kopako egungo txapelduna bera, Madeira izango du aurkari finalerdietan, larunbatean, 16:00etan (Euskal Herriko ordua), eta EITBk zuzenean emango du norgehiagoka hori, ETB4n eta eitb.eus-en; Gipuzkoako taldeak aurrera egingo balu eta igandeko finalerako sailkatuko balitz, final hori ere izango litzateke ikusgai, zuzenean, 16:00etatik aurrera, ETB4n eta eitb.eus-en. Benfica edo AtticGo BM Elx izango litzateke Donostiako taldearen aurkaria.
Hala, larunbatean, hilaren 7an, lehenengo finalerdian, 13:00etan (Euskal Herriko ordua izango dugu kontuan), Benfica (Bera Berak talde hori izango du aurkari European Leaguen, bide batez) eta AtticGo BM Elx arituko dira nor baino nor gehiago, finalerako postu bat jokoan. Bera Bera eta Madeira ere saiatuko dira finalerako sailkatzen, 16:00etatik aurrera; arestian esan bezala, ETB4k eta eitb.eus-ek bigarren finalerdi hori emango dute, zuzenean.
Igandean, hilaren 8an, 13:00etan, hirugarren posturako partida izango da; larunbateko bi galtzaileek jokatuko dute hori. Eta 16:00etan, Iberiar Superkopako final handia hasiko da; titulurako partidan Bera Bera izango balitz, EITBk zuzenean emango luke norgehiagoka, eitb.eus-en eta ETB4n.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.