Bera Berak irabazi du Liga, finalean Elx mendean hartuta
Super Amara Bera Berak irabazi du Espainiako Ohorezko Mailako Liga, finalean Elx mendean hartuta. Bueltako partida 27-27 amaitu da, baina joanekoan, Gascan, 30-26 nagusitu zen Donostiako taldea, eta, ondorioz, titulua bereganatu du.
Etxetik kanpo jokatuta eta aurrean talde handi bat izanda, Bera Berak asko sufritu du. Partida ia osoan atzetik joan da, laupabost goleko aldearekin, baina neurketaren azken txanpan norgehiagoka berdintzeko gai izan da, eta azken minutuetan Elx baino hobeto aritu da. Horrenbestez, Imanol Alverezen taldeak denboraldiko hirugarren titulua lortu du, aurrez Erregina Kopa eta Superkopa eskuratu baititu.
Defentsan sendo eta erasoan ausart jokatuz hasi du partida Bera Berak, eta berehala aurreratu da markagailuan, penaltiz sartutako golarekin. Alabaina, 13. minutuan, Elxek partida 5-5 berdintzea lortu du, Bera Bera atezainik gabe geratu dela baliatuta, eta 19. minutuan lehen aldiz jarri da aurretik Elx (8-7).
Bera Berak hainbat akats egin ditu erasoko jokoan, eta taldean zalantzak sortu dira orduan; Elxek, berriz, gora egin du, eta lau goleko abantaila hartu du (13-9). Lehen zatiko azken laurdunean, Joaquin Rocamoraren taldea nagusi izan da, eta Bera Berak asko sufritu du, baina partidan sartuta joan dira atsedenaldira bisitariak (15-11).
Aldagelatik bueltan, Bera Bera saiatu da defentsan eta erasoan lan hobea egiten. Ez du amore eman, eta 40. minutuan lortu du bost goleko aldea hirura murriztea (20-17).
Lehen zatian ez bezala, Maddik geldiketa erabakigarriak egin ditu bigarrenean, penalti bat tartean, eta Bera Berak partida berdintzea lortu du (23-23), partida amaitzeko zortzi minutu falta zirenean.
Jarraian, Lydia Blancok egin du gola, eta markagailua irauli du (23-24). Tentsio handiko uneak izan dira, eta partidaren azken minutura berdinduta iritsi dira (26-26). Etxeberriak sartu du 27. gola, eta Aallak geldiketa bikaina egin du partida amaitzeko segundo baten faltan, luzapena saihestu eta titulua Bera Berari emateko.
FITXA TEKNIKOA
27 - Atticgo Elx (15+12): Nicole Morales (1); Do Nascimento (2), Maria Flores (1), Wolfs (3), Paola Bernabe (1), Patricia Mendez eta Oppendal (2) -lehen zazpikotea-; Danila So Delgado (7, 1 penaltiz), Van Zijl (2), Zhukova, Zaira Benítez (4), Clara Gasco (2), Celia Guilabert (2), Carratu, Nuria Andreu eta Kelly Rosa.
27 - Super Amara Bera Bera (11+16): Aalla; Etxeberria (2), Mariane Fernandes (3), Lindie Tchaptchet (7), Laura Hernandez (1), Boada (2 penaltiz) eta Arrojeria (2) –lehen zazpikotea-; Gavilan, (1) Alice Fernandes, Alba Menendez (1), Cavo, Karsten, Carmen Arroyo (5, 4 penaltiz), Loidi, Lydia Blanco (1) eta Erauskin (2).
Epaileak: Oyarzun Aylagas eta Zaragueta Ruiz. Bi minuturako kanporatu dituzte Maria Flores, Karsten, Etxeberria eta Alba Menendez.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.