Bera Berak bereganatu du Ligako finaleko lehen neurketa (30-26)
Bera Berak eta Elxek Iberdrola Ligako finalaren joaneko neurketa jokatu dute asteazken honetan, Donostiako Josean Gasca pabilioian, eta etxekoak nagusitu dira 30-26 bigarren zatian goitik behera nagusitu eta gero.
Bi taldeei aurkariaren atea aurkitzea kostatu zaie hasierako erasoaldietan, bi minutu eman baitituzte golik erdietsi gabe talde biek; dena den gerora, neurketa lehiatua eta bizia eskaini dute.
Lehendabiziko abantailak bisitarientzat izan dira (0-1 eta 1-2), baina Imanol Alvarezenek berehala hartu dute jokoaren agintea bi goleko abantaila izatera iritsi dira lehen zatian bi aldiz (5-3 eta 7-5). Alabaina, EHFren Eurocup txapelketa irabazi berri duen taldeak markagailuari buelta emateko ahalmena izan du atsedenaldira iritsi orduko. Hala, Joaquin Rocamorak zuzentzen duen taldea joan da aldageletara bi goleko aldearekin (11-13).
Donostiarrek beste indar batekin ekin diote bigarren zatiari, defentsa tenkatu dute, eta 5 eta 1eko partzialarekin berriro ere agintzen jarri dira (16-14). Bultzada hori bidelagun zutela, etxekoek markagailuan tartea areagotzen jarraitu dute, batez ere Mariane Fernandes brasildarraren golei esker. Ezker hegalekoak zortzi gol erdietsi ditu guztira partidan zehar (sei bigarren zatian), eta bera izan da bere taldeko golegile nagusia.
Hartara, urdinak bost goleko errenta izatera iritsi dira (26-21, 28-23), baina hiru minuturen falta Elxekoak hiru golera gerturatu dira (29-26). Dena den, Bera Bera ez da urduri jarri, eta kanporaketako lehen garaipena bereganatu dute.
Mariane Fernansekin batera, Esther Arrojeria (7), Anne Erauskin (4) eta Lyndie Tchaptcheten (4) gol-ekarpenak ere azpimarratzekoak izan dira etxekoen aldetik. Bisitarien partetik, berriz, izugarrizko lana egin dute Tessa Van Zijl herbeheratarrak 11 golekin eta Nicole Morales atezain katalanak, 10 gelditurekin.
Final honen bigarren eta azken norgehiagoka datorren larunbatean izango da, Elxen, 18:30ean, eta ETB4n izango da ikusgai ere.
Fitxa teknikoa:
30 - Super Amara Bera Bera: Maddi Aalla (6 gelditu), Alice Fernandes (3 gelditu); Arrojeria (7), Mariane Fernandes (8), Gavilán (1), Boada (2), Alba Menéndez (1), Laura Hernández (1), Cavo, Echeverria (1), Lindie Tchaptchet (3), Loidi, Carmen Arroyo, Erauskin (4, 1 penaltiz), Lydia Blanco (1) eta Elke Karsten (1, penaltiz).
26 - Atticgo Balomano Elx: Nicole Morales (10 gelditu), Carratu (3 gelditu); Oppedal (2), Do Nascimento (1), So Delgado (3), Patricia Méndez, Andreu, Van Zijl (11), Wolfs (2), Zhukova, Agullo, María Flores, Zaida Benítez (1), Carrillo, Berbabé (2) eta Kelly (4).
Epaileak: Yon Bustamante eta Javier Álvarez. Kanporatutako jokalariak: Alba Ménendez, Laura Hernández, María Flores, So Delgado, Benítez eta Oppedal.
Markagailua bost minututik behin: 2-2; 5-4; 6-5; 8-7; 10-11; 11-13- atsedenaldia- 13-13; 17-15; 21-17; 26-21; 29-25; 30-26.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.