Bera Bera, Erreginaren Kopako txapeldun
Super Amara Bera Bera eskubaloi taldeak zortzigarrenez irabazi du Erreginaren Kopa, Illunben jokatutako finalean Aula Valladolid 32 eta 24 mendean hartuta. Garaipen horri esker, Donostiako taldeak Europan jokatzeko txartela poltsikoratu du.
Imanol Alvarezen taldeak indartsu hasi du neurketa, eta finala hasieratik amaierara kontrolpean izango zutela ematen zuen, Illunben bildutako milaka zaleren babesak lagunduta. Gainera, Maria Prieto O'Mullony Mantxakoen izarrari ondo eutsi diote, eta, horri esker, lau goleko zuloa zabaldu dute markagailuan.
Bisitariek 1 eta 5eko partziala eginez, neurketa berdintzea lortu dute, eta argi eta garbi agertu diete etxekoei garaipena garesti saltzeko asmoa zutela. O'Mullonyk ere lekua hartu du kantxan, eta horrek mesede egin dio Valladolideko taldeari.
Gauzak konplikatzen hasiak zirela ikusita, hutsartea eskatu du Imanol Alvarezek, eta horrek mesede egin dio bere taldeari. 3 eta 0eko partziala egin, eta partidaren agintea berreskuratu dute. Bitartean, Valladolidek zailtasun handiak izan ditu donostiarren defentsa hausteko.
Boada eta Cavoren lan bikainak bultzatuta, Bera Bera bost goleko errentarekin iritsi da atsedenaldira (20-15).
Bigarren zatian, etxekoek sendo eutsi diote partidaren erritmoari. Mariane Fernandes brasildarrak lan ederra egin du, eta Bera Berak zuloa handitu du markagailuan.
Zazpi goleko errentarekin, Miguel Angel Peñas Valladolideko entrenatzailek azken hutsartea eskatu du bere taldearen erreakzioa bilatzeko, baina Bera Bera askoz gehiago izan da Illunbeko kantxan.
Azkenean, 32 eta 24, Erreginaren Kopa Donostian geratu da, merezimendu osoz.
Fitxa teknikoa
32.- Super Amara Bera Bera: Maddi Aalla (Alice Fernandes); Arrojeria (4), Mariane Fernandes (5), Gavilan (3), Boada (4), Alba Menendez (1), Laura Hernandez (4, 2 penaltiz.), Cavo (2), Echeverria (2), Lindie Tchaptchet (2), Loidi, Carmen Arroyo (1), Erauskin (3), Lydia Blanco (1), Elke Karsten.
24.- Caja Rural Aula Valladolid: Sanz, (Alicia Robles); Elba Alvarez (2, 1 de pen.), Jimena, Lucio (2), O'Mullony (6), Bazco, Tellez, Botella, Teresa Alvarez, Antóon, Romero (4), Arounian (2), Bergara, Gonzalez de Garibay (7), Claudia Moreno (1).
Epaileak: Lorena Garcia eta Tania Rodriguez. Carmen Arroyo, Erauskin, Tellez eta Lucio kanporatu dituzte.
Emaitza: 3-2; 7-4; 9-7; 12-10; 16-13; 20-15 (atsedenaldia); 23-16; 26-17; 28-18; 30-20; 31-23; 32-24.
Zure interesekoa izan daiteke
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.