Bera Berak zazpi goleko desabantaila irauli beharko du Europa Ligako multzoen fasera sailkatzeko
Super Amara Bera Berak 39-32ko emaitzarekin galdu du Solaren kontra, azaroaren 12an Norvegian jokatutako EHF Europa Ligako Q3 kanporaketako joaneko partida. Horrenbestez, multzoen fasera sailkatzeko zazpi goleko desabantaila irauli beharko du euskal taldeak itzulikoan. Donostian jokatuko da, azaroaren 19an, 12:00etan.
Norvegiako taldeak ondo ekin dio neurketari, eta azkar hartu du bi goleko errenta (2-0). Gero, Bera Beraren erantzuna etorri da, baina Sola beti egon da aurretik markagailuan hiru edo lau goleko abantailarekin. Hala, 15. minutuan, emaitza 10 eta 7koa zen. Lehen zatiko bigarren ordu laurdenean, ordea, etxekoak Gipuzkoako taldea baino hobeak izan dira, abantaila handitu dute eta norgehiagoka 19-13ko emaitzarekin heldu da atsedenaldira.
Atsedenalditik bueltan, indartsu kantxaratu da Super Amara Bera Bera, eta lehen minutuetan hiru golera murriztu du desabantaila (23-20, 39. minutuan). Nagusi izan da Bera Bera bigarren zatiaren hasieran, baina Sola garaiz esnatu da. Etxeko taldea Gipuzkoakoaren joko-maila ona eteteko gai izan da; erritmoa bizitu eta defentsako lana sendotuta, zuloa ireki du berriro markagailuan (27-20).
Amaierarako 15 minutu falta zirenean, Bera Berak maldan gora zuen norgehiagoka (29-24). Azken txanpan, desabantaila murriztea izan da euskal taldearen helburua, baina ez du bere helburua lortu.
Amaierako hamar minutuetan, etxeko taldea nagusi izan da, eta Solak garaipena bereganatu du, 39-32ko emaitzarekin.
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.