Bera Bera, Iberiar Superkopako txapeldun
Super Amara Bera Berak irabazi du Iberiar Superkopa, igande honetan Costa del Sol Malagari Donostiako Josean Gasca kiroldegian finala irabazita. Gipuzkoarrek 28na berdindu dute arauzko denboran, eta irabazleak penaltietan erabaki behar izan dira (3-2), oso lehiatua izan den partida batean.
Partida berdinduta hasi da, bi taldeen arteko etengabeko gol trukearekin, baina Malagak hartu du aurrea markagailuan (3-4). Horrela joan dira dueluaren lehen minutuak; Malagakoek aurrea hartzen zuten markagailuan eta jarraian donostiarrek berdindu egiten zuten.
7-6ko gola izan da aurretik jarri diren lehen aldia, partida hasi eta ordu laurdenera, eta penalti batekin ordura arte mantendu duten gol bakarreko diferentziako dinamika hori haustea lortu dute (9-7).
Jokoak oso bizi jarraitu du. Malagak aurrea hartu du berriro bi gol jarraian sartuta (12-14), eta lehen zatian bi taldeak oso fin aritu dira aterako jaurtiketetan. Atsedenaldira joan aurretik, Bera Berak partidari buelta eman dio berriz 15-14 amaitzeko.
Bigarren zatia lehenengoa bezala hasi da, Malaga markagailuan gailenduta. Euskaldunek erritmoa jarraitzen jakin dute eta ez diete abantaila handitzen utzi (20-21).
Amaierarako bost minuturen faltan partida ezin zen berdinduago egon: 26nako berdinketa.
Bazirudien Malagak garaipena lortuko zuela, baina Gipuzkoako taldeak indarra erakutsi du eta aurre egin dio une oro. 60 minutuak ez dira nahikoa izan berdinketa hausteko eta partida penaltietara joan da.
Penaltietan, Bera Berak hiru gol sartu eta bi jaurtiketa huts egin ditu, baina talde gipuzkoarreko atezaina aurkariari hiru jaurtiketa gelditzeko eta bere taldeari kopa emateko gai izan da (3-2).
Zure interesekoa izan daiteke
Pozik eta gogotsu dago Bera Bera, Koparen atarian
Imanol Alvarez entrenatzailearekin batera, Anne Erauskin eta Maitane Etxeberria jokalariek agerraldia egin dute, ostiraleko Erregina Kopako partidaren atarian nola diren kontatzeko.
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.