Bera Bera Ligako finaletik kanpo geratu da, Elx taldearekin hirugarren partidan galduta (22-26)
Bera Berak ez du Guerreras Iberdrola Ligako finala jokatuko, finalerdietako hirugarren eta azken partida galdu ostean. Gipuzkoarrek etxean, Josean Gascan, galdu dute Elxen aurka 22 eta 26. Lehen partidan ere, Elxen jokatutakoan, galtzaile atera ziren, gol bakarrarengatik. Bigarrena irabazi egin zuten, Donostian, baina hirugarrenean huts egin dute.
Azken hiru denboraldietako txapeldunak ez du partida ona jokatu. Hasieran aurrea hartu du markagailuan, 5-3, baina Elxeko taldeak berehala hartu du jokoaren kontrola. Nicole Morales atezainak egindako lan bikainak lagunduta, 6-6koa jarri dute markagailuan, eta ondoren, 1-5eko partzialari esker, aldea zabaldu dute markagailuan (6-11). Imanol Alvarezen taldeak 12 minutu eman ditu golik sartu ezinda.
Lehen zatia 10-15 amaitu da, Alacantekoek kantxan erakutsi duten nagusitasunaren ondorioz.
Bigarren zatian, gipuzkoarrak egoera irauli beharrean zeuden. Aurretik, atsedenaldian, Nicole Morales atezaina zorabiatu egin da eta osasun zerbitzuen laguntza behar izan du. Errekuperatu osetan, bigarren zatian jokatzen jarraitzea erabaki du. Eta nola jokatu, gainera. Geldiketa bikainak egin ditu, momentu garrantzitsuetan, eta eragin zuzena izan du bere taldearen jokoan. Benetan zaila izan da Bera Berarentzat Elxen atea zulatzea.
Elx, jaun eta jabe
Bigarren zatian, Bera Berak ezinean jarraitu du, aurkariaren nagusitasunari aurre nola egin asmatu barik. Horrela, Elxek zazpi goleko zuloa egin du markagailuan (11-18), eta Bera Bera laura hurbildu den arren (14-18), egoera ez da aldatu. Sei goleko errentaren inguruan aritu dira bi taldeak denbora guztian.
Azkenean, Elx 22-26 gailendu da, eta Guerreras Iberdrola Ligako finala jokatuko du Costa del Sol Malagaren aurka. Bera Berak, aldiz, ezingo du iazko lorpena errepikatu.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.