Bera Berak garaipena behar du gaur, Elxen aurka, finalerdia berdindu eta hirugarren partida behartzeko
Super Amara Bera Berak garaipena behar du gaur gauean, Gascan, Atticgo Balonmano Elxen aurka, Guerreras Iberdrola Ligako finalerdietako kanporaketa berdindu eta, horrela, kanporaketako hirugarren partida behartzeko. Gaurkoa irabaziz gero, hirugarren neurketa hori igandean jokatuko lukete, eta garailea finalerako sailkatuko litzateke. Zale guztien babesa izango dute Imanol Alvarezen jokalariek. Lehen partida irabazita (28-27), Elx aurretik dago finalerdi honetan, oraingoz. ETB1ek eta eitb.eus-ek zuzenean emango dute neurketa, Gascan izateko aukerarik ez dutenek ere Bera Berarekin goza dezaten, 21:00etan hasita.
Imanol Alvarez entrenatzaileak berak oso argi esan zuen asteazkenean, komunikabideen aurrean, ostiraleko partida erabakigarriaren atarikoan: "Finala izango balitz bezala jokatu behar dugu". Garaipena ezinbestekoa da Bera Berarentzat, Ligako titulua irabazteko lehian jarraitu ahal izateko. Kopan Gipuzkoako taldea gailendu zen apirilean, Malagan, finalean Granollers mendean hartuta, baina Bera Berak Liga ere nahi du.
Kopako final-laurdenetan, hain zuzen, Elx izan zuen aurkari Bera Berak, eta argi garaitu zuen orduan, 36-24. Orain, ostiralean, Imanol Alvarezen taldearen asmoa izango da finalerdiko lehen partidako azken minutuetan erakutsitako joko onari jarraipena ematea; izan ere, Elxen, etxeko taldea ia norgehiagoka osoan izan zen aurretik markagailuan, baina Bera Berak asko estutu zuen azken minutuetan, eta partida luzapenera eramatetik oso gertu egon zen.
Bera Bera-Elx neurketa gaur, maiatzak 19, jokatuko dute, 21:00etan, Gasca pabiloian, eta eitb.eus-ek eta ETB1ek zuzenean emango dute.
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.