Bera Berak partidako azken jokaldian galdu du Elxen aurka (28-27), eta kanporaketa Donostian irauli beharko du
Super Amara Bera Berak galdu egin du Elxen, 28-27, Atticgo Elxen aurka, Guerreras Iberdrola Ligako finalerdietako kanporaketaren lehen partidan, eta, hortaz, Donostian irauli beharko du, Josean Gascan. Finalean izateko, Bera Berak bi partida jarraian irabazi beharko dizkio Elxi, hilaren 19an eta 21ean (hurrengo ostiralean eta igandean).
Imanol Alvarezen jokalariek partidako azken jokaldian galdu dute. Bera Bera ia neurketa osoan izan da atzetik markagailuan, eta Elxek, bigarren zatian, zortzi goleko aldea ere izan dute (24-16); Donostiako taldea, baina, bikain suspertu da, minutu erabakigarrietan, eta 26nako berdinketa eta, azken minutuan, 27nakoa erdietsi du. Azken jokaldiak, azken segundoak zehaztu du garailea, baina; Elxek partidako azken jokaldian asmatu du, 28. gola egiteko, eta ez da luzapenik izan.
Elxek ia hasieratik hartu du aurrea. Lehen zatiaren erdian, 9-3koarekin, argi ematen zuen Bera Bera ez zebilela sendo. Donostiako taldea ez zen erasoan asmatzen ari, eta jokaldi askotan baloia galtzen zuen. Atsedenaldian, 16-11 zihoan partida, baina apur bat lehenago 15-8 izan dira, hau da, etxekoak zazpi goleko abantaila izan dute. Bigarren zatiko lehen minutuetan, gainera, Bera Berak ezin izan du egoerari buelta eman; Elx ondo ari zen, erasoan eta defentsan, eta 23-15ekoa eta 24-16koa jarri ditu Bera Beraren aurkariak. Oso zail zirudien partida irabazteko aukeraren bat izatea.
Azken minutuetan, nolanahi ere, emozio handia izan da. 2-8ko partziala lortuz, Bera Berak berdindu egin du, azken minutuaren atarikoan. Elxek gola egin du eta berriz ere jarri da aurretik, baina Gipuzkoako taldeak 27-27koa egin du, soilik segundo batzuk geratzen zirela. Tarte horretan, etxekoek, azken jaurtiketan, 28. gola sartu eta 1-0ekoa jarri dute kanporaketan. Bera Bera Gascan ahaleginduko da kanporaketa gainditzen, finalean izan ahal izateko.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.