Super Amara Bera Berak ez du Valcearen aurkako kanporaketa irauli, eta Europatik kanpo geratu da (27-29)
Super Amara Bera Berak galdu egin du Ramnicu Valcearen aurkako kanporaketako itzulerako partida ere, eta, hartara, EHF-ren Europa Ligako multzoen fasetik kanpo geratu da.
Imanol Alvarezen neskek erronka zaila zuten aurretik; izan ere, sei goleko aldeari eman behar zioten buelta txapelketan aurrera egin ahal izateko, Errumanian jokatutako joaneko neurketan 28-34 galdu baitzuten, eta uneren batean kontrako alde hori berdintzetik gertu egon badira ere (gol bakarrera izan dira), partidaren amaieran asmatzea falta izan zaie.
Hala, ederto ekin diote neurketari, bosgarren minutua bete orduko 3-0ko partziala erdietsi baitute. Dena den, bisitariek laster murriztu dituzte aldeak (3-2, 4-3, eta 5-4), baina betiere gipuzkoarrak agintzen zebiltzala. Errumaniarrak gogor aritu dira defentsako lanean, eta bi minutuko hainbat kanporatzerekin ordaindu dute euren gogortasuna.
Etxekoek ez dute egoera horik alperrik pasatzen utzi, eta berriro ere markagailuan alde egiteko baliatu dute (7-4, 9-5 eta 10-6). Bost goleko errenta ezin hobea lortzeko gai ere izan dira partidaren atsedenaldia heltzeko apenas 40 segundo falta zirela (14-9), baina Valceakoek lauan utzi dute emaitza aldageletarako bidean (14-10), azken segundoan egindako jaurtiketa batekin, etxekoen atezainari hankartetik pasatu zaiona.
Bigarren zatiaren hastapenean, etxekoek berriro lortu dute bost goleko tartea (16-11, 32. min), kanporaketa erabat irekita uzten zuena. Haatik, errumaniarrak aurkari latza zirela erakutsi dute, eta gol batera hurbildu dira berehalako batean. Batez ere, Imanol Alvarezen taldeak zazpi jokalarirekin eta atezainik gabe jokatutako zenbait erasoaldi txar aprobetxatu dituzte bisitariek, atea hutsik zegoela gola egiteko (16-15, 36. min).
Gipuzkoarrek ekinean jarraitu dute, eta berriz ere lau goleko errenta bereganatzeko ahalmena izan dute (21-17 eta 22-18) amaierarako 15 minuturen faltan. Alabaina, orduan, errumaniarren atezaina gelditu eder batzuk egiten hasi da, eta bere taldekideek kontraerasoan ez zuten barkatzen. Ondorioz, apurka-apurka etxekoen itxaropenak ahultzen joan dira, eta, azkenerako, kanporaketa ez gainditzeaz gain, garaipenik gabe geratu dira itzuliko neurketan ere.
Fitxa teknikoa:
27- Super Amara Bera Bera: Alice Fernándes, Gil (2), Boada, Cavo (3), Polonio (1), Oliveira Fernandes (1), Etxeberria (8), Arrojeria (3), Menéndez (1), O´Mullony, Cesáreo (1), Ugartemendia, Hernández (4, 3 penaltiz), Loidi (3, penaltiz), Moreno eta Bautista.
29 - Ramnicu Valcea: Hosu, Roch (1), Glibko (1, penaltiz), Klikovac (9), Bucur (2), Florica (1), Batinovic, Liscevic (1), Mireya González (2), Florica (2), Elghaoui (1), Gorshenina (4), Levchenko, Dache (3), Lupei, Dascalete eta Nikolic (2, penaltiz).
Epaileak: Malgorzata Lidacka eta Urszula Lesiak (Polonia). Kanporatutakoak: Alba Menéndez, Cavo, Cesáreo, Polonia, Dache, Florica, Lupei, Gorshenina, Klikovac, Mireya González.
Emaitza, golez gol:
1. zatia: 1-0, 2-0, 3-0, 3-1, 3-2, 4-2, 4-3, 5-3, 5-4, 6-4, 7-4, 7-5, 8-5, 9-5, 9-6, 10-6, 10-7, 10-8, 11-8, 11-9, 12-9, 13-9, 14-9, 14-10.
2. zatia: 14-11, 15-11, 16-11, 16-12, 16-13, 16-14, 16-15, 17-15, 18-15, 18-16, 19-16, 19-17, 20-17, 21-17, 21-18, 22-18, 22-19, 22-20, 23-20, 23-21, 24-21, 24-22, 24-23, 25-23, 25-24, 25-25, 25-26, 26-26, 26-27, 27-27, 27-28, 27-29.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.