Bera Berak finalerdietarako txartela lortu du, Malaga mendean hartuta
Super Amara Bera Berak Erreginaren Kopako finalerdietarako txartela lortu du, ostiral honetan Rincon Fertilidad Malaga mendean hartuta (31-28) final-laurdenetako kanporaketan. BM Elx taldea izango du aurkari finalerdietan.
Partidaren hasieran Malaga izan da nagusi. Hasieratik aurrea hartu du (2-0), eta Bera Berari zailtasunak jarri dizkion arren, talde gipuzkoarrak ez dio abantaila handirik hartzen utzi. Norgehiagoka berdintzea lortu du Bera Berak (6-6 eta 7-7) 14. eta 17. minutuetan, baina Malagak hiru goleko errenta lortu du (10-7) ondoren. Atsedenaldira iritsi aurreko hamar minutuetan, talde gipuzkoarrak desabantaila murriztu eta berriz lehia berdindu du (13-13). Aldageletara markagailuan aurretik joateko aukera izan duen arren, gol bateko desabantailarekin (14-13) iritsi da atsedenaldira.
Bigarren zatian nagusi izan da Super Amara Bera Bera. Atsedenaldia ondo etorri zaio Imanol Alvarezek zuzentzen duen taldeari, eta markagailuan zuloa irekitzea kosta bazaio ere, hiru goleko abantaila erdietsi du (17-20) 42. minutuan. Sei minutu geroago, ordea, Malagak neurketa berdindu du (22-22, 48. minutuan). Azken zazpi minutuetan berriro nagusitu da Bera Bera; 24-24ko berdinketaren ostean, Donostiako taldeak hiru goleko abantaila lortu (24-27), eta garaipena bideratuta utzi du. Amaierako bost minutuetan ez du gehiegi sufritu, hiru goleko errenta kudeatzen jakin du, eta garaipenak ez dio ihes egin (28-31).
Fitxa teknikoa:
28 - Rincon Fertilidad Malaga (14+14): Estela Doiro (5), Silvia Arderius (8), Soledad López (5), Sara Bravo (1), Rocío Campigli (2), Maria Perez (-), Almudena Gutierrez (-), Esperanza Lopez (2), Laura Sanchez (-), Isabelle Dos Santos (2), Mercedes Castellanos (-), Rocio Rojas (1), Virginia Fernandez Robles (-) y Paula Garcia (2).
31 - Super Amara Bera Bera (13+18): Alba Menendez (4), Alice Fernándes (-), Esther Arrojeria (2), Mariane Fernandes (7), Manuela Pizzo (1), Nekane Teres (1), Laura Hernandez (2), Malena Cavo (3), Maitane Etxeberria (4), Eli Cesareo (1), Adriana Cardoso (6), Ainhoa Etxeberria (-), Mirene Moreno (-) eta Renata Arruda (-).
Emaitza bost minutuero: 2-0, 5-4, 7-6, 10-7, 11-9, 14-13 (atsedenaldia), 15-15, 17-19, 19-21, 23-24, 24-27 eta 28-31 (amaiera).
Epaileak: Fernanda Espino eta Victor Navarro.
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.