Super Amara Bera Bera, Ligako txapeldun
Super Amara Bera Berak Guerreras Iberdrola Liga irabazi du; izan ere, Espainiako Eskubaloi Federazioak Zuzendaritzaren Batzorde Delegatuak bere Zuzendaritza Batzaren proposamena onartzea erabaki du, eta koronabirusaren pandemiak etendako txapelketak bertan behera utzi ditu.
Klub donostiarra, jokatutako azken partidaren ostean, sailkapeneko liderra da; hortaz, titulua berretsi du, eta bere historiako seigarren Liga lortu du. Horrez gain, EHF European Leaguerako txartela bermatu du.
Garaipena erdietsita, eta berriro txapeldun izendatuta, Super Amara Bera Berak titulua ospatu du: "Gustatuko zitzaigun titulua pistan eman izana, baina ibilbide bikaina izan dugu, partidarik galdu gabe, eta uste dut ondo merezita dugula. Konferentzia bidez ospatuko dugu, eta bilduko gara ahalik eta ondoen gozatzeko", adierazi du Tati Garmendia klubeko arduradunak, Bera Beraren ohar batean.
Imanol Alvarez taldeko entrenatzaileak, bere aldetik, nabarmendu du azken hau "lan eta erregulartasun handiko denboraldia" izan dela: "Zuzenak izan nahi badugu, norbaitek merezi badu titulu hau irabaztea, geu gara, nahiz eta ohiko moduan ez izan", adierazi du.
Bidasoa-Irun, EHF European Leaguera
ASOBAL Ligan, Espainiako Eskubaloi Federazioak esan dio Bidasoa-Iruni EHF European Leagueko plaza duela; izan ere, lehen itzulia amaituta, hirugarren postuan zegoen.
Irungo kluba pozik azaldu da erabakiarekin: "Jokalariek eta teknikariek egindako lan handiaren emaitza da".
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.