Bera Berak izena eman du Txapeldunen Ligan parte hartzeko

Super Amara Bera Berak dokumentazioa bidali dio Espainiako Eskubaloi Federazioari eta 15.000 euroko bermea ordaindu dio EHFri 2018-2019. denboraldiko Txapeldunen Liga jokatzeko izena emateko.

Guerreras Iberdrola Ligako txapeldunak Europako kublen arteko txapelketarik onena jokatzeko leku bat badu ere, Bera Berak Txapeldunen Ligako multzoen faseari ekin beharko dio, lauko finalaren formatuak. 2016an sailkatze-fasea antolatu zen Donostian, eta partida bakarra irabazi zuen.

Europako Federazioak ekainaren 26an baieztatuko du taldeen zerrenda, eta hurrengo egunean egingo dute sailkatze faseko partiden zozketa. Irailaren 7a eta 9a bitartean jokatuko da. Multzoen fasearen zozketa, berriz, ekainaren 29an egingo dute.

Lehiaketa garrantzitsu honetan aritzeko apustua egin du Bera Berak, erakundeen babesarekin. Iraileko atarikoa gaindituz gero, goi mailako 12 partida gehiago jokatuko ditu, gutxienez.