Zuazo Barakaldo Urrezko Ohorezko Mailara jaitsi da
Zuazo Barakaldo taldeak ez du emakumezkoen eskubaloiaren elitean jarraituko datorren denboraldian. Barakaldoko taldeak puntuatzea behar zuen larunbat honetan Elxen aurka Guerreras Iberdrola Ligako azken jardunaldiari begira aukerekin jarraitzeko, baina 25-26 galdu du eta hurrengo denboraldian Urrezko Ohorezko Mailan jokatuko du.
Denboraldian zehar lau garaipen bakarrik lortuta, Zuazo sailkapeneko azken postuan iritsi da norgehiagokara, zortzi punturekin. Mailari eusteko ametsetan jarraitzeko aukera bakarra Elxen aurka punturen bat lortzea eta La Calzadak, azken-aurreko sailkatuak, punturik ez lortzea zen.
Ez zegoen euren esku, baina Elxi aurre egin diote etxean, oso partida parekatuan, batez ere lehen zatian. Hala ere, beti atzetik joan dira markagailuan eta azken minutuetan markagailua iraultzeko zorian egon arren, ez da posible izan.
Horrela, Eskubaloiko Bigarren Mailara jaitsi dela ziurtatzen da.
Zure interesekoa izan daiteke
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du bi edo hiru partidetan banatuko den finala.
Super Amara Bera Berak ligako finala jokatuko du, Porriño kanporatuta
Gascan, berdinketarekin bukatu da itzuliko norgehiagoka (33-33), baina joanekoan, Galizian, 28-32 gailendu zenez, Imanol Alvarezen taldeak eskuratu du ligako finala jokatzeko txartela. Finalean Kanaria Handietako Rocasa taldea izango du aurkari Bera Berak.
Imanol Alvarez: “Oso hunkigarria eta polita izan da jaso dudan omenaldia"
Imanol Alvarezek Super Amara Bera Beraren entrenatzaile izateari utziko dio denboraldi honen amaieran. Hori dela eta, larunbat honetan klubaren eta zaleen omenaldia jaso du Gascan. Hunkituta agertu da, baina pozik ere bai, agur esan aurretik ligako finala jokatuko baitute.
Micaela Rodriguesek ez du Bera Beran jarraituko datorren denboraldian
Micaela Rodriguesek 66 partida eta 102 gol pilatu ditu Bera Beraren elastikoa defendatzen.
Piotr Mielczarskik ez du Bidasoan jarraituko
Jokalariak uztailaren 1era arte jarraituko du taldearen dinamikaren parte izaten.
Elba Alvarezek Bera Berarekin berritu du 2026-2027 denboraldirako
Gipuzkoako taldeak irabazi berri duen Erregina Kopako azken fasean, jokalari onenarentzako saria eman diote, eta, gainera, txapelketako golegile nagusia izan da.
Bidasoa Irunek Miguel Angel Martin fitxatu du
Kanaria Uharteetako jokalari gaztea Bartzelonatik dator, eta ibilbide nabarmena egin du orain arte beheko mailetan.
Laura Hernandez: “Hunkituta eta oso harro gaude”
Laura Hernandez oso pozik agertu da Super Amara Bera Berak Erregina Kopa bere zaleen aurrean eskuratu eta gero.
Imanol Alvarez: “Ametsa da horrela bukatzea”
Imanol Alvarez hunkituta agertu da Super Amara Bera Berarekin bere seigarren eta azken Erregina Kopa irabazi eta gero; izan ere, denboraldi amaieran utzi egingo du Donostiako kluba.
Bera Berako jokalariek eta zaleek gogotik ospatu dute Kopako garaipena
Super Amara Bera Berak laugarrenez jarraian irabazi du Erregina Kopa, bere palmaresean hamargarrena. Donostiako taldeko kideek eta zaleek gogotik ospatu dute lorpena.