Bera Berak aurrera egin du; Zuazo, berriz, kanpoan geratu da
Super Amara Bera Bera taldeak Barakaldon jokatzen ari den Erreginaren Kopako XL. ekitaldiko finalerdietan izango da, final-laurdenetan Rocasa Kanaria Handia azpiratu ostean (25-23).
Donostiarrek gaizki ekin diote lehiari, 0-5eko partziala jaso baitute hasierako minutuetan. Ez da izan, gainera, lehen zatian kontran izan duten alderik handiena, 17. minutuan sei golez galtzen izan baitira (4-10).
Alabaina, 21. minutuan, emaitza 7-10 zela, neurketan garrantzia izan duen jokaldia jazo da. Epaileek txartel gorri zuzena atera diote Haridian Rodriguezi, iritzi baitiote Kanariako jokalariak baloia nahita jaurti duela Bera Berako atezainaren buruaren kontra penalti jaurtiketa batean.
Jokaldi horrek hoztu egin du Rocasa eta Bera Berakoak apurka-apurka kanporaketan sartu dira. Hala, atsedenaldira iritsi denerako markagailua berdintzeko gai izan dira (12-12).
Bigarren zatiaren hastapenean, parekatuta joan da neurketa, eta gipuzkoarrek 36. minutura arte itxaron behar izan dute markagailuan lehen aldiz goitik jartzeko (15-14). Hortik aurrera, Imanol Alvarezen neskek partidako aginte-makila hartu dute, eta bi aldiz lortu dute lau goleko errenta (21-17, 45. min eta 22-18, 48. min). Dena dela, kanariarrek ez dute amore eman, eta lehia orekatzeko ahalmena izan dute (23-23) partida bukatzeko zazpi minuturen faltan.
Aitzitik, Bera Berak kopako lehiaketan agertu ohi duen lehiakortasuna plazaratu du beste behin, eta, azkenerako, bi golengatik gailendu dira. Finalerdietan Liberbank Gijon izango du aurrez aurre (18:30), asturiarrek Rincon Fertilidad Malaga kanporatu baitute (23-22).
Fitxa teknikoa:
25 - Super Amara Bera Bera (12+13): Castellanos (atezaina), Arrojeria (1), Sans (-), Teres (1), Menendez (-), Karsten (4), Gil (4) –hasierako taldea– Lais (ordezko atezaina), Aramendia (2), Ezkurdia (-), Arderius (7, 4 penaltiz), Etxeberria (-), Azurdmendi (-), Cardoso (6,1 penaltiz), Berasategi (-) eta Camejo (-). Entrenatzailea: Imanol Alvarez.
23 - Rocasa Gran Canaria (12+11): Navarro (atezaina, 1), Falcon (4), Lusson (4), Mbengue (5), Haridian Rodriguez (2, 1 penaltiz), Trojaola (3), Maria Gonzalez (1) –hasierako taldea– Dara Hernandez (ordezko atezaina), Pizzo (2), Reyes (-), Arinegua Perez (-), Toscano (1), Dos Santos (-), Schuster (-) eta Machin (-). Entrenatzailea: Carlos Herrera.
Emaitza bost minutuero: 0-2, 0-5, 3-8, 7-10, 9-11, 12-12 (atsedenaldia); 14-14, 17-15, 20-17, 23-20, 24-23 eta 25-23 (amaiera).
Zuazo, kanporatuta
Zubileta Evolution Zuazo talde bizkaitarrak ezin izan du Elx Mustang gainditu (21-24), eta, hartara, Joseba Rodriguzek entrenatzen dituen neskak ez dira sailkatu beren etxean jokatzen ari den Kopako txapelketako finalerdietan izateko.
Hala ere, bizkaitarrek eskura izan dute garaipena lortzea; izan ere, agintzen joan dira markagailuan neurketako unerik gehienetan, baina, azkenerako, amore eman behar izan dute 17 eta 16ko emaitzatik 21 eta 24ko emaitzara igaro ondoren.
Fitxa teknikoa:
21 - Zubileta Evolution Zuazo (11+10): Aalla (atezaina), Velasco (3), Valdivia (4), Loidi (3, 2 penaltiz), Encina (4), Bengoetxea (-), De Andres (2) -equipo inicial-, Muñiz (ordezko atezaina), Ainhoa Hernsndez (1), Alba Sanchez (4), Manrique (-), Gil (-), Erauskin (-), Blázquez (-), Perazic (-) eta Gonzalez de Garibay (-). Entrenatzailea: Joseba Rodriguez.
24 - Elche Mustang (11+13): Morales (atezaina), Zhukova (2), Flores (2), Gutierrez (6,2p), Ana Gonzalez (2), Martínez (6, 1 penaltiz), Arcos (-)–hasierako taldea–, Sanchez (ordezko atezaina), Mendez (1), Frujinoiu (-), Ocariz (-), Keyla Hernandez (-), Gasco (5), Angela Rodriguez (-) eta Guilabert (-). Entrenatzailea: Joaquin Rocamora.
Emaitza bost minutuero: 2-0, 5-1, 7-3, 9-5, 11-8, 11-11 (atsedenaldia); 13-13, 14-14, 17-17, 18-19, 19-21 eta 21-24 (amaiera).
FINAL-LAURDENETAKO EMAITZAK
Liberbank Gijon 23-22 Rincon Fertilidad Malaga
KH-7 Granollers 21-25 Aula Alimentos Valladolid
Super Amara Bera Bera 25-23 Rocasa Gran Canaria
Zubileta Evolution Zuazo 21-24 Elx Mustang
LARUNBATEKO FINALERDIAK
ElX Mustang - Aula Alimentos Valladolid (16:15)
Super Amara Bera Bera - Liberbank GijOn (18:30)
Zure interesekoa izan daiteke
Mathilde Plotton, Super Amara Bera Berako jokalari berria
Fitxaketa horrekin, Somaza, Karsten eta Carmen Arroyoren lesioek eragindako hiru bajak beteko ditu talde donostiarrak.
Bera Berak markagailua irauli eta derbia irabazi du (26-17)
Donostiako taldeak Beti-Onaken aurkako garaipen batekin hasi du Guerreras Iberdrola Liga (26-17).
Miguel Etxeberria Bera Beraren aurkako partidaz: “Ahalik eta ondoen iritsiko gara hara, eta dagoenarekin egingo dugu aurre”
Beti-Onakek Bera Beraren aurka jokatuko du asteazken honetan Guerreras Iberdrola Ligan. Miguel Etxeberria entrenatzaileak taldea bizitzen ari den egoera "gogorra" azpimarratu du, bost lesiorekin eta Liga hasieraren konplexutasunarekin. Hala ere, "Oñatikoa baino partida hobea egitea eta ondo hastea" espero dute. (Bideoa gazteleraz)
Jon Begiristain: “Bertsio hobeago bat emateko aukera dugu Beti-Onaken aurka, eta horren bila goaz”
Jon Begiristainek, Bera Berako entrenatzaileak, prentsaurrekoa eman du. Rocasaren aurka ez zutela beraien “bertsiorik azkarrena erakutsi” adierazi du bertan. Asteazkenean Beti-Onaken aurka neurtuko ditu indarrak Donostiako taldeak, eta ordurako “beraien txispa hori berreskuratu” nahi dutela adierazi du Begiristainek.
Silvia Ederra zendu da, Itxakoko eta Bera Berako jokalari ohia
Nafarroako eskubaloi jokalari ohia irailaren 8an hil da, gaixotasun luze baten ondorioz
Alex Raix, Bidasoa Irungo jokalariak, belauneko lesio larri bat sufritu du
Frantziarrak belauneko aurreko lotailu gurutzatua hautsi du eta hilabete asko beharko ditu errekuperatzeko. Denboraldi honetarako taldearen berritasunetako bat zen, Piotr Mielzcarski poloniarrak alde egin ondoren.
Jon Ander Iribar Bidasoa Irunera itzuli da
Jokalaria BM Zaragozan zegoen utzita eta Alex Mozasen taldeak berreskuratze-klausula aktibatu du, Aragoiko klubarekin zuen akordioan aurreikusita zegoena.
Portok ez dio aukerarik eman Bidasoa Iruni kontsolazio finalean (32-25)
Portugalgo taldeak atsedenaldia heldu baino lehen bideratu du garaipena, eta bigarren zatiaren hasieran erabakita utzi du partida.
Bera Berak ezin izan du Espainiako Superkopa irabazi, finalean galdu egin baitu Rocasaren aurka
Finala oso parekatua izan da, baina Bera Berak 25-23 galdu du azkenean. Carmen Arroyok lesio larria izan du, eta negarrez erretiratu da.
Bidasoa Irunek ezin izan du garaipena eskuratu Sporting Portugalen aurka (29-31)
Alex Mozasen taldeak lehen zati bikaina egin du, baina brontzea lortzeko borrokatu beharko du Iberiar Superkopan, finalerdietan galdu ostean bigarren zatian hobea izan den Lisboako taldearen aurka.