Behobia-Donostia lasterketaren 59. edizioko kamiseta aurkeztu dute

Behobia-Donostia lasterketako antolatzaileek 59. edizioko parte-hartzaileek jasoko duten kamiseta aurkeztu dute ostiral honetan sare sozialen bidez.

2024ko edizioan, 27.000 korrikalari lehiatuko dira Gipuzkoako hiriburuan amaitzen den proban, eta guztiek jasoko dute kamiseta.

09:15ean abiatuko dira gurpil-aulkian eta handbike gainean arituko diren atletak, 09:20an patinatzaileak eta 09:40an lehen korrikalariak.

Bestalde, Irungo Bentetako Elizatxo hiribidean (ohiko ibilbidean) dagoen zubia eraitsi dutenez, lasterketa 220 metro inguru desbideratuko da Letxunborro hiribidetik.

Lasterketa zuzenean ikusi ahalko da eitb.eus-en eta ETB1en.