Teresa Errandonea hesi lasterkariak atletismoa utziko du, 29 urte dituela
Teresa Errandonea hesi lasterkariak, 29 urtekoa bera, atletismoa utziko du, ostegunean Donostian iragarri duenez. Atleta irundarra, 100 metroko hesidun proban eta, pista estalian, 60 metroko hesidun proban Espainiako txapelduna izana da, eta Basque Teameko kidea, Tokioko Olinpiar Jokoetan lehiatu zuen, 2021ean, eta Munduko eta Europako Txapelketa batzuetan ere izan da. Azken bi urteotan izandako lesioen ondorioz hartu du erabakia, ezin izan duelako nahi zuen moduan entrenatu eta lehiatu. Osteguneko prentsaurrekoan esan duenez, oso pozik dago atletismoak eman dionaz, eta zorionekoa sentitzen da horregatik.
Nabarmentzeko moduko kirol ibilbidea bete du Errandoneak. Bost aldiz irabazi du maila goreneko Espainiako Txapelketa. 2020ko Joko Olinpikoetan ez ezik (hurrengo urtean jokatu zituzten, covid-19ak eragindako pandemia tarteko), hainbat txapelketa nagusitan parte hartu du, Espainiako selekzioarekin: 2021ean, Pista Estaliko Europako Txapelketan (Alemaniako Thornen egin zuten) eta Nazioetako Europako Txapelketan (Polonian, Chorzown); 2022an, Pista Estaliko Europako Txapelketan (Belgraden, Serbian); eta 2023an, ekainean, berriro ere Chorzown, Europako Jokoetan.
Kirol ibilbidearen hasieran, luzera jauzian ere aritu zen, baina Teresa Errandoneak hesi lasterketari gisa bereganatu du ospea eta erdietsi ditu hainbat titulu. Orain, adierazi duenez, goi mailako atletismoa utziko du, eta puntako mailan izandako ibilbideari amaiera eman dio.
Zure interesekoa izan daiteke
Andoni Calbano: “Neure buruari esaten nion; Andoni, lasaitu, lasaitu"
Andoni Calbanok historia egin zuen igandean Birminghamen, Ingalaterran, Europako Txapelketan brontzezko domina irabazita. Atleta gipuzkoarra 4x100 errelebo mistoan aritu zen Guillem Crespí, Maribel Pérez eta Jaël Bestuerekin batera. Lukoteak 40,42 segundoko denbora egin zuen finalean hirugarren postua lortzeko eta Estatuko marka berria ezarriz.
Duplantisek bere laugarren urrea irabazi du erreskadan, Europako Txapelketan
26 urteko pertikalari suediarrak aise irabazi du Birminghamen, 6,15 metroko jauzi batekin. Marka apala da, bere jarraitzaileak munduko errekorrak haustera ohituta dituen jauzilariarentzako.
Andoni Calbano bergararrak brontzea lortu du Europako Txapelketan, 4x100 mistoan
40.42 segundoko denborarekin, Espainiako taldeak brontzezko domina baliotsua lortu du lasterketa oso azkar batean. Erresuma Batuak urrea irabazi du, 39.97 segundoko marka ezarrita (Europako errekorra). Zilarra Alemaniarentzat izan da, 40.11 segundoko denborarekin.
Manu Quijera xabalina-jaurtiketaren finaletik kanpo geratu da Europako Txapelketan
Nafarrak hamaikagarren postuan bukatu du. Iruñeko jaurtitzaileak 77,40 metroko jaurtiketarekin hasi du lehiaketa, eta ondoren 76,49koa egin du bigarren jaurtiketan eta 76,76koa hirugarrenean.
Asier Martinez Europako Txapelketatik at geratu da finalerdietan, 110 metroko hesidun proban
Lehen finalerdian, irteera txar batek Zizur Nagusiko atleta baldintzatu du, baita hainbat hesi ukitzeak ere. Nafarra laugarren helmugaratu da, 13.45 segundoko denborarekin.
Euskal ordezkaritzak hainbat domina eskuratu ditu Espainiako Atletismo Txapelketan
Carrascal jauzi hirukoitzean lortutako urreaz gain, Serranok, San Juanek, Larraurik eta Trecetek garaipena lortu dute 4x100 erreleboetan. Manu Quijera ere garaile izan da pertika jaurtiketan.
Eneko Carrascal, aire libreko jauzi hirukoitzeko Espainiako txapeldun berria
Realeko atletak Espainiako Txapelketa irabazi du Malagan, aire librean, 16,50 metroko markarekin, eta lorpen hori neguan lortutako tituluari gehitu behar zaio.
Mikel Arrasatek urrezko domina irabazi du eta Helene Alberdik brontzezkoa Distantzia Erdiko Triatloiko Europako Txapelketan
Lekeitiarrak urrezko domina lortu du (3h10:38), Guillem Montiel ordura arteko kontinenteko txapeldunari minutu bateko aldea aterata.
Martin Segurola eta Irati Mitxelena, protagonista Ordiziako Meetingean
Martin Segurolak Euskadiko errekorra hautsi zuen 800 metroko lasterketan bukaera ikusgarri bat eginda. Irati Mitxelenak, bere aldetik, sei metro eta 77 zentimetroko jauzia lortu zuen, Europako Txapelketan parte hartzeko gutxienekoa.
Markel Fernandez: “Azken bi urte hauek oso onak izan dira; 2028ko Joko Olinpikoetan egotea espero dut”
Markel Fernandezek, abiadura-lasterketetan espezializatutako atletak, palmares zabala du atzean. Lortu duenaz oso harro dago bizkaitarra, baina Los Angeleseko joko olinpikoak ditu begiz jota. Aurretik, ordea, Ordizia Meeting-era joango da, denbora 400m-tan jaisteko asmoz.