Asier Martinez: "Garaipen hau nire idoloa den Martinoten aurrean lortzea sinestezina da, oso pozik nago"
Asier Martinez da 110 metroko hesidun probako Europako txapelduna, asteazken honetan (abuztuak 17) Munichen garaipena lortuta. Nafarroakoak urrezko domina bereganatu du, finalean Pascal Martinot-Lagarde mendean hartu ostean milaren bakarragatik. Asierrek esan duenez, bere idoloa da frantziarra.
Europako Txapelketako finala 13,14 segundoko markarekin irabazi du Zizur Nagusiko 22 urteko kirolariak. Bere marka onena eginda, jardunaldi bikaina biribildu du.
"Ezin da gehiago eskatu, oso pozik nago. Esperientzia bikaina izan da. Nire aita bertan egon da ikusten, nire amak ezin izan du etorri, baina nire lagun guztiak etorri dira. Etxean bezala sentitu naiz, oso pozik nago", adierazi du Martinezek.
"Garaipen hau nire idoloa den Martinot-Legarderen aurrean lortzea sinestezina da. Banekien maila handiko aurkaria izango zela, final hauetan eskarmentu handia du, eta badaki momentu hauek ondo kudeatzen, eta hala izan da, azkeneraino estutu baitu", gaineratu du Nafarroakoak.
Eugeneko Munduko Txapelketan brontzezko domina lortu eta Munichen finalerdietan erakutsi duen nagusitasunaren ostean, urrezko domina lortzeko faborito nagusia zen Asier Martinez, eta horrek presioa eragin dio: "Oso ondo sentitu naiz, baina zaila izan da presioa kudeatzea. Elastiko urdina Sasha Zhoyak eraman du, eta, gutxienez zama hori kendu dut. Tentsioa kudeatzea oso zaila izan da. Banekien garaipena lortzeko faboritoetako bat nintzela, eta ez da erraza izan hori alde batera uztea. Lehenago ez dut esperientzia gehiegi pilatu, baina nire ondoan dagoen jendeak asko lagundu dit. Eugeneko finalean bat gehiago nintzen; hemen, ordea, ez. Final honetan presioa askoz handiagoa izan da, eta horrek baldintzatu du guztia", azpimarratu du Asier Martinezek.
Zure interesekoa izan daiteke
Martin Segurola eta Irati Mitxelena, protagonista Ordiziako Meetingean
Martin Segurolak Euskadiko errekorra hautsi zuen 800 metroko lasterketan bukaera ikusgarri bat eginda. Irati Mitxelenak, bere aldetik, sei metro eta 77 zentimetroko jauzia lortu zuen, Europako Txapelketan parte hartzeko gutxienekoa.
Markel Fernandez: “Azken bi urte hauek oso onak izan dira; 2028ko Joko Olinpikoetan egotea espero dut”
Markel Fernandezek, abiadura-lasterketetan espezializatutako atletak, palmares zabala du atzean. Lortu duenaz oso harro dago bizkaitarra, baina Los Angeleseko joko olinpikoak ditu begiz jota. Aurretik, ordea, Ordizia Meeting-era joango da, denbora 400m-tan jaisteko asmoz.
Ordizia Meetingaren hamargarren edizioan Altamirako zelaiak edukiera handiagoa izango du
Datorren larunbatean, Jose Antonio Peña Nazioarteko Meetinga zuzenean jarraitu ahal izango da 17:45etik aurrera kirolakeitb.eus-en, 19:45etik aurrera ETB ONen eta 21:00etatik aurrera ETB1en.
Irati Mitxelena: “Gogotsu nago Ordizia Meetingerako; ea espero dudan saltoa ateratzen zaidan”
Ordizia Meetingeko erakargarri nagusietako bat izango da Irati Mitxelena atleta donostiarra. Onenen artean egonkortu da luzeera jauzian, 6’60m-ko saltoa normalizatzea lortu duela adierazi du. Ama ordiziarra izanda, gogotsu dago etxean lehiatzeko.
Noah Lylesek munduko marka hautsi du 150 metroetan: 14.67 segundo!
Atleta estatubatuarrak, egungo 100 metroetako eta 200 metroetako munduko txapeldun olinpikoak, 25 ehunenetan jaitsi du Kishane Thompson jamaikarraren marka.
Antonio Benito eta Alanis Siffert nagusitu dira Zarauzko Triatloian
Gizonezkoetan Antonio Benitok, eta emakumezkoetan, Alanis Siffertek irabazi dute Zarauzko Triatloia. Faboritoen artean zeuden biak, eta ez da sorpresarik egon, hortaz. Hirugarren garaipena du Siffertek Zarautzen; bigarrena Benitok. Gizonezkoetan, lan bikaina egin du Mikel Arrasatek eta bigarren izan da. Emakumezkoetan, Helene Alberdi izan da bigarren.
Asier Martinezek 110 metroko hesidun proba irabazi du Savonan, Italian
Kirolari nafarrak lehen postua lortu du, 13:34ko denborarekin; Lorenzo Simonelli italiarra, Europako indarreko txapelduna, hirugarrena izan da.
Allyson Felix atletismora itzuliko da, 40 urterekin, Los Angelesen 2028an lehiatzen saiatzeko
2022an erretiroa hartu zuen zen atletak 11 olinpiar domina dauzka bere palmaresean.
?fmt=webp-alpha&qlt=80)
Martin Fiz, Sebastian Sawek marka berria ezarri ondoren: “Aro berri baten hasiera da"
"Duela 30 urte ez nuen imajinatuko, ni bizirik nagoela, inork bat bi ordu baino gutxiago beharko zuenik maratoi ofizial bat egiteko", onartu du Martin Fiz gasteiztarrak, 1995ean Goteborgen maratoiko munduko txapeldun izandakoak. Arabarrak uste du osagai guztiak batu direla: lehen mailako atletak, oinetakoen bilakaera, eta elikadura eta hidratazio pertsonalizatua.
Sabastian Sawek eta Tigst Assefak errekorrak hautsi dituzte Londresko maratoian
Sawe bi orduetatik jaitsi da, maratoi ofizial batean munduko errekorra gaindituz, eta Assefak bere marka hautsi du.