Behobia-Donostia, hauteskunde orokorren egun berean egiteak ekarriko dituen aldaketak
Behobia-Donostia lasterketa jendetsua azaroaren 10ean egingo da, alegia, hauteskunde orokorrak egingo diren egun berean. Antolakuntzakoek adierazi dutenez, "ibilbidean zehar igarotzen diren herrietako agintariekin harremanetan daude, arazoak gutxitu eta irisgarritasuna errazte aldera".
Simulazio sistema
Horretarako, Hiru Hondartzeko Kros ezaguna hartu dute hizpide eta bertan simulazio bat egin dute ByPass teknikaz baliatuz. Esate baterako, txiribituaren hotsa entzun bezain pronto, antolakuntzako partaideek ibilbidea une batetik bestera aldatu, eta korrika ari direnak metro gutxitan erraiez mugitzen dituzte, era berean, herritarrek zebra-bidea gurutzatu ahal izateko.
Zer gertatuko litzateke lasterkariak hauteskundeetarako mahaikide gisa izendatzen baldin badituzte?
Lasterketan parte hartzeko izena eman duten 33.000 korrikalariak beldur dira ea hauteskundeetan mahaikide gisa egon behar baldin badute; kasu horretan, ezingo ezingo baitzuten proban parte hartu. Adibide gisa, Donostia eta Irungo zonaldeko Hauteskunde Batzordeak helarazitako mezua honakoa izan da: "izen ematean ordaindutako diru kantitatea ez da aitzakia izango mahaikide gisa ez aritzeko".
Ondorioz, antolakuntzak erabaki bat hartu behar izan du honen inguruan, eta beraz, Fortuna taldeko partaideen hitzetan, hauteskundeetako mahaikide gisa aritu behar diren lasterkariei datorren urtera arte lagako diete lasterketan parte hartzeko eskubidea.
"Behobia Gaztea" lasterketa, bertan behera
Erabakiak erabaki, Fortuna taldeak hartu beharreko zailena honakoa izan da, zein eta "Behobia Gaztea" proba bertan behera uztea. Izan ere, nahiz eta proba nagusiak aldaketa handirik gabe egingo duen aurrera, lasterketa honetan aritzen diren 14 eta 18 urte bitarteko parte hartzaileak izan dira albistearen aurpegirik ilunena jaso dutenak.
"Zinez, oso zaila izan dela erabaki hau hartzea, ezinezkoa izan zaigu aurreikusitakoa aurrera eramatea, izan ere, lasterketa honen ibilbideak hauteskunde-eskoletako sarrera oztopatuko luke, eta ondorioz, ez dugu beste aukerarik izan", adierazi dute Fortuna taldeko antolatzaileek.
Zure interesekoa izan daiteke
Euskal ordezkaritzak hainbat domina eskuratu ditu Espainiako Atletismo Txapelketan
Carrascal jauzi hirukoitzean lortutako urreaz gain, Serranok, San Juanek, Larraurik eta Trecetek garaipena lortu dute 4x100 erreleboetan. Manu Quijera ere garaile izan da pertika jaurtiketan.
Eneko Carrascal, aire libreko jauzi hirukoitzeko Espainiako txapeldun berria
Realeko atletak Espainiako Txapelketa irabazi du Malagan, aire librean, 16,50 metroko markarekin, eta lorpen hori neguan lortutako tituluari gehitu behar zaio.
Mikel Arrasatek urrezko domina irabazi du eta Helene Alberdik brontzezkoa Distantzia Erdiko Triatloiko Europako Txapelketan
Lekeitiarrak urrezko domina lortu du (3h10:38), Guillem Montiel ordura arteko kontinenteko txapeldunari minutu bateko aldea aterata.
Martin Segurola eta Irati Mitxelena, protagonista Ordiziako Meetingean
Martin Segurolak Euskadiko errekorra hautsi zuen 800 metroko lasterketan bukaera ikusgarri bat eginda. Irati Mitxelenak, bere aldetik, sei metro eta 77 zentimetroko jauzia lortu zuen, Europako Txapelketan parte hartzeko gutxienekoa.
Markel Fernandez: “Azken bi urte hauek oso onak izan dira; 2028ko Joko Olinpikoetan egotea espero dut”
Markel Fernandezek, abiadura-lasterketetan espezializatutako atletak, palmares zabala du atzean. Lortu duenaz oso harro dago bizkaitarra, baina Los Angeleseko joko olinpikoak ditu begiz jota. Aurretik, ordea, Ordizia Meeting-era joango da, denbora 400m-tan jaisteko asmoz.
Ordizia Meetingaren hamargarren edizioan Altamirako zelaiak edukiera handiagoa izango du
Datorren larunbatean, Jose Antonio Peña Nazioarteko Meetinga zuzenean jarraitu ahal izango da 17:45etik aurrera kirolakeitb.eus-en, 19:45etik aurrera ETB ONen eta 21:00etatik aurrera ETB1en.
Irati Mitxelena: “Gogotsu nago Ordizia Meetingerako; ea espero dudan saltoa ateratzen zaidan”
Ordizia Meetingeko erakargarri nagusietako bat izango da Irati Mitxelena atleta donostiarra. Onenen artean egonkortu da luzeera jauzian, 6’60m-ko saltoa normalizatzea lortu duela adierazi du. Ama ordiziarra izanda, gogotsu dago etxean lehiatzeko.
Noah Lylesek munduko marka hautsi du 150 metroetan: 14.67 segundo!
Atleta estatubatuarrak, egungo 100 metroetako eta 200 metroetako munduko txapeldun olinpikoak, 25 ehunenetan jaitsi du Kishane Thompson jamaikarraren marka.
Antonio Benito eta Alanis Siffert nagusitu dira Zarauzko Triatloian
Gizonezkoetan Antonio Benitok, eta emakumezkoetan, Alanis Siffertek irabazi dute Zarauzko Triatloia. Faboritoen artean zeuden biak, eta ez da sorpresarik egon, hortaz. Hirugarren garaipena du Siffertek Zarautzen; bigarrena Benitok. Gizonezkoetan, lan bikaina egin du Mikel Arrasatek eta bigarren izan da. Emakumezkoetan, Helene Alberdi izan da bigarren.
Asier Martinezek 110 metroko hesidun proba irabazi du Savonan, Italian
Kirolari nafarrak lehen postua lortu du, 13:34ko denborarekin; Lorenzo Simonelli italiarra, Europako indarreko txapelduna, hirugarrena izan da.