Gizonen eta emakumeen sariak parekoak izango dira aurten

Kontxako Banderako berritasun nagusia sariak izango dira aurten; txapeldunek, bigarrenek eta hirugarrenek sari bera izango dute, gizon zein emakume izan.

EITB

2018/08/27 - 14:16

Azken eguneratzea

2018/08/28 - 18:43

Donostiako Udalak aspaldi iragarri zuen bezala, aurten ez da ezberdintasunik egongo emakumeen eta gizonen sarien artean. Beraz, txapeldunek, bigarrenek eta hirugarrenek sari bera izango dute, emakume zein gizon izan.

Kontxako Banderaren aurkezpena gaur egingo dute, eta bertan emango dituzte xehetasunak. Ostegunean sailkatze-estropada jokatuko da.

Iazko sariak

Irabazlea: 24.000 euro gizonek eta 15.000 emakumeek (9.000 euroko aldea).

Bigarrena: 15.000 euro gizonek eta 12.000 emakumeek (3.000 euroko aldea).

Hirugarrena: 12.000 euro gizonek eta 10.000 emakumeek (2.000 euroko aldea).

Hortik bera, sari bera izan zuten

Laugarrena: 9.000 euro.

Bosgarrena: 7.000 euro.

Seigarrena: 6.000 euro.

Zazpigarrena: 5.000 euro.

Zortzigarrena: 5.000 euro.