Orio eta Hondarribia nagusi, Santanderreko uretan
Orio eta Hondarribia nagusitu dira Santanderreko uretan jokatu den Repol Electricidad y Gas Banderan.¿
Orioko neskak jaun eta jabe izan dira Euskotren Ligako lehen jardunaldian eta denboraldi honetako lehen puntuak lortu dituzte. Lehen metroetatik aurretik jarri dira oriotarrak eta ez dute arazo handirik izan aldeari eusteko. Ziabogan, 11 segundoko aldea izan dute Arraun Lagunakekin, 28 Donostiarrarekin eta Hondarribitarrek ziaboga hori gaizki hartu dute eta minutu erdi baino gehiago galdu dute hor.
Azkenean, Oriok irabazi du Bandera 10:43 denbora eginda. Bigarren postua Arraun Lagunakentzat izan da, 7 segundora, hirugarrena Donostiarrarentzat 28 segundora, laugarren Hondarribia laugarren minutueta 12 segundora.
Hondarribia irabazle, gizonezkoetan
Eusko Label Ligako hirugarren jardunaldiari dagokionez, Hondarribiak lortu du garaipena, Oriorekin azken metrora arte lehia estua izan ostean. Oriotarrek bigarren postuarekin konformatu behar izan dute, aurreko asteburuko estropada bietan nagusi izan baziren ere.
Joseba Amunarrizen arraunlariek lehen postuan egin dute estropada osoa. Hiru ziabogak aurkarien aurretik egin dituzte. Orio, Zierbena eta Donostiarra joan dira, orden honetan, gipuzkoarren atzetik.
Horrela, ohorezko txandako garaipena Hondarribiak eraman du 19:16ko denbora eginda. Bigarren Orio izan da 2 segundora, hirugarren Zierbena 8 segundora eta laugarren Donostiarra 21 segundora.
Banderako sailkapenean, Santurtzik egin du laugarren denborarik onena, bigarren txandan aise gailenduta. Lehen txandan, berriz, Cabo izan da azkarrena, Astilleroren, Lekittarraren eta San Pedroren aurretik.
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.