Oriok irabazi du Petronor Bandera eta asteburu bikaina biribildu du
Oriok irabazi du Petronor Bandera, eta asteburu bikaina biribildu du talde gipuzkoarrak, Eusko Label Ligako lehen bi banderak irabazita. Bilbon eta Zierbenan garaipenak lortuta, sailkapen nagusiko lidertzan daude, 24 punturekin.
Zierbenako uretan 19'25"eko denbora egin du Oriok, eta bost segundo atera dizkio ohorezko txandan bigarren izan den Zierbenari. Hala ere, bigarren txandan aritu den Donostiarra izan da bigarren estropadan, 19'29"ko denborarekin. Zierbena izan da hirugarren, 19'31"ko marka eginda.
Hondarribiak laugarren amaitu du, irabazlearekiko zazpi segundora, eta segundo bat gehiago behar izan duen Urdaibai izan da bosgarren. Bermeokoekin batera bigarren txandan ibili den Kaikuk seigarren amaitu du, ohorezko txandan lehiatu den Santurtziren (zazpigarren) denbora hobetuta.
Bigarren txanda
Donostiarrak egin du denbora onena (19'29"), bost segundo atera dizkio Urdaibairi (19'34"); Kaiku (19'41") izan da txanda honetako hirugarrena, eta bigarren txandako laugarren postuan amaitu du Ondarroak (19'50").
Lehen txanda
Cabo izan da nagusi lehen txandan, 19'54"ko marka eginda, eta 16 segundo atera dizkio Lekittarrari (20'10"). Txanda honetako hirugarrena izan da San Pedro (20'14") eta azkeneko postuan amaitu du Astillerok (20'15").
EUSKO LABEL LIGAKO SAILKAPEN NAGUSIA:
1 ORIO 24 puntu
2 ZIERBENA 20 puntu
3 DONOSTIARRA 18 puntu
4 HONDARRIBIA 18 puntu
5 SANTURTZI 17 puntu
6 URDAIBAI 16 puntu
7 KAIKU 12 puntu
8 ONDARROA 11 puntu
9 CABO 8 puntu
10 LEKITTARRA 6 puntu
11 SAN PEDRO 4 puntu
12 ASTILLERO 0 puntu
Zure interesekoa izan daiteke
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.