Felix Gallek irabazi du Burgosko Itzulia, etapa nagusian Pellizzarik erakustaldia eman ostean

Decathlon taldeko txirrindulari austriarrak Burgosko Itzuliko garaipena ziurtatu du Neilako aintziretako igoeran hirugarren postuari eutsita. Giulio Pellizzari eskalatzaile italiarrak, berriz, azken etapa irabazi du erakustaldia emanda.

BURGOS, 07/08/2026.- El ciclista austriaco del equipo Decathlon, Felis Gal, mantiene el liderato de la clasificación general tras la cuarta etapa de la Vuelta a Burgos celebrada este viernes entre Palazuelos de Muñó y Briviesca. EFE/Santi Otero

KIROLAK EITB

2026/08/08 - 16:51

Azken eguneratzea

2026/08/08 - 16:51

Giulio Pellizzari (Red Bull-Bora-Hansgrohe) txirrindulari italiar gazteak erakustaldia eman du Neilako aintziretako igoera gogorrean, Burgosko Itzuliko bosgarren eta azken etapan garaipena lortzeko. Felix Gall (Decathlon-AG2R La Mondiale) austriarrak, berriz, hirugarren postuari eutsi dio, Burgosko Itzuliko sailkapen nagusiko behin betiko garaipena ziurtatzeko.

Italiarrak garaipena lortu du azken kilometroetan erasoa jo eta gero. Oscar Onley (dsm-firmenich PostNL) izan da bigarren, eta Felix Gall (Decathlon CMA CGM), hirugarren.

Iragarkia

Giulio Pellizzari Burgoseko Itzuliko azken etaparen garailea.

18:00 - 20:00

Jardunaldiak mugimendu ugari izan ditu lehen kilometroetatik. Hainbat ihesaldi saiakera izan ostean, talde batek tartea ireki du. Besteak beste, Kevin Vermaerke (UAE Team Emirates), Gianmarco Garofoli (Soudal Quick-Step), Vincenzo Albanese (EF Education-EasyPost) eta Diels Driessen (Lotto) izan dira ihesaldiko protagonistetako batzuk. Aurreko taldea murrizten joan da, Driessen bakarrik geratu arte, baina helmugatik 3 kilometrora neutralizatu dute.

Etapa garaipena Neilako aintziretan erabaki da, maila bereziko mendatean. Azken igoeran, faboritoak erasoan hasi dira. Giulio Ciccone (Lidl-Trek), Felix Gall (Decathlon CMA CGM) eta Oscar Onley (dsm-firmenich PostNL) izan dira mugitzen lehenak, eta Pablo Torres (UAE Team Emirates) ere saiatu da ezustekoa ematen. Pellizzarik espainiarraren erasoari erantzun dio, eta, ondoren, bakarrik ihes egitea lortu du.

Pellizzarik etapa garaipena lortuta amaitu du Burgosko Itzulia. Felix Gallek, bere aldetik, maillot moreari eutsi dio, sailkapen nagusian behin betiko garaipena eskuratzeko.