Van der Poelek bere bigarren garaipena erdietsi du, eta Pellizzarik lidergoa kendu dio Del Torori
Nederlandarra izan da nagusi ostegun honetan Tirreno-Adriatico lasterketan, aurten bigarren aldiz, Giulio Pellizzari italiarraren aurretik. Van der Poel esprint polit batean nagusitu da.
Giulio Pellizzari (Bora) italiarra, Tirreno-Adriatico lasterketako liderra. Argazkia: EFE
Mathieu Van der Poel (Alpecin Deceuninck) holandarra izan da nagusi ostegun honetan Tirreno-Adriatico lasterketan. Txirrindulari nederlandarrak esprint polit batean lortu du bere bigarren garaipena aurtengo edizioan, Giulio Pellizzari italiarraren aurretik helmugaratuta. Hala ere, Pellizzarik saria lortu du; izan ere, Isaac del Toro (UAE) mexikarrari 'maglia azzurra' kendu dio. Del Toro lidertzatik bi segundora dago ostiraleko etapa menditsuaren atarian.
Tagliacozzo eta Martinsicuro arteko 213 kilometroko 'Bi Itsasoetako Lasterketa'ren laugarren etapa honek ibilbide zailena eta orain arte ikusitako jardunaldirik interesegarriena eskaini du. Bi igoera handi, bi ihesaldi handi, beste volata bat eta sailkapen nagusian aldaketa 4 ordu, 51 minutu eta 40 segundoko zeharkaldiaren ondoren.
Van der Poelen gurpilari itsatsita iritsi da Giulio Pellizari (BORA) italiarra, lider berria, bigarren etapan ere garaile atera dena. Gaurko podiuma Tobias Halland Johannessen (Uno-X Mobility) norvegiarrak osatu du.
Laugarren etapa hau ihesaldi arrakastatsu baterako eszenatoki ezin hobea bezala aurkeztu da. Eta hala izan da, nahiz eta bigarren saiakerara arte itxaron behar izan den. Lehenengo abenturazaleak, 12 laguneko taldea, bakarrik atera dira lehen kilometroetan. Horien artean, beti presente dagoen Diego Pablo Sevilla (Polti VisitMalta).
Ihesaldi handia, helmugarako 35 bat kilometroren faltan bitan banatua eta hasierako esfortzu handiak pixkanaka ordainduta, amaierarako 15 kilometroren faltan harrapatu du tropelak.
Orduan lasterketako oilarrak azken igoerarako prestatu dira, 1,6 kilometrokoa eta % 9,4ko malda. Van Aert, Healy, Del Toro, Ganna eta Van der Poel elkarren gurpilean jarri dira. Abantaila txikia lortu dute tropelarekiko, Matteo Jorgenson (Visma) estatubatuarraren erritmo bikainari esker. Eguneko bigarren ihesaldia izan da, erabakigarria. Del Toro Tortoreto via Badettako azken igoera horretan nagusitu da.
AZken kilometroetako begiraden, zalantzen eta prestaketaren ondoren, denetan bizkorrena une garrantzitsuenean agertu da, mila metro baino gutxiagora. Van der Poelek esprinta abiatu eta besoak altxatu ditu Martinsicuroko helmugan, urdinez jantzi den Pellizzariren aurretik.
Zure interesekoa izan daiteke
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.