Pogacarrek irabazi du 2025eko gizonezkoen Flèche Wallonne klasikoa
Tadej Pogacarrek (UAE Emirates) irabazi du 2025eko Flèche Wallonne klasikoa. Belgikako lasterketa asteazken honetan, apirilaren 23an, jokatu da, Ciney eta Huy artean, eta 205,1 kilometroko ibilbidea izan du.
Pogacarrek erasoa jo du helmugarako 450 metro falta zirenean, inork ezin izan dio haren erritmoari jarraitu, eta esloveniarrak garaipena bereganatu du, 4 ordu, 50 minutu eta 15 segundoko markarekin. Hala, bada, 2023ko irabazleak iazko Stephen Williams txapeldunaren lekukoa hartu du palmaresean.
Ohorezko postuetarako lehian, Kevin Vauquelin (Arkéa-B & B Hotels) izan da bigarren, 10 segundora, eta Thomas Pidcock (Q36.5 Pro Cycling) hirugarren, 12 segundora. Pidcock baino segundo bat geroago helmugaratu dira Lenny Martinez (Bahrain-Victorious) eta Ben Healy (EF Education-EasyPost), laugarrena eta bosgarrena, hurrenez hurren.
Gugliemi, Schmidt, Desal, Paquot eta Deweirdt izan dira eguneko lehen ihesaldian, baina UAEk, Lidlek eta Q36.5ek kontrolpean izan dituzte. Geroago, Huyko bigarren igoeran txirrindulari batzuk erori egin dira, Skjelmose tartean zela. Hori dela eta, danimarkarra garaipena lortzeko aukerarik gabe geratu da.
Norvegiako hiru ziklista, Dversnes, Leknessund eta Foss, heldu dira tropelarekiko abantailarekin azken txanpara, baina talde nagusiak harrapatu egin ditu amaierarako 7 kilometro falta zirenean.
Garaipena Huyko azken igoeran erabaki da; UAE Emiratesek erritmoa ezarri du tropelean, Pogacarrek erasoa jo eta garaipenak ez dio ihes egin esloveniarrari.
SAILKAPENA:
1 - POGACAR Tadej (UAE) 4:50:15
2 - VAUQUELIN Kevin (Arkea) +0:10
3 - PIDCOCK Thomas (Q36.5 Pro) +0:12
4 - MARTINEZ Lenny (Bahrain) +0:13
5 - HEALY Ben (EFE) d. b.
6 - BUITRAGO Santiago (Bahrain) +0:16
7 - GREGOIRE Romain (Groupama) d. b.
8 - NYS Thibau (Lidl) d. b.
9 - EVENEPOEL Remco (Soudal) d. b.
10 - SCHMID Mauro (Jayco) +0:19
Puck Pietersek irabazi du emakumezkoen lasterketa
Halaber, emakumezkoen Flèche Wallonne klasikoan, Puck Pieterse Fenix-Deceuninck taldeko herbeheretarra gailendu da. Demi Vollering (FDJ-Suez) bigarren sailkatu da, eta Elisa Longo Borghinik (UAE) eskuratu du podiumeko hirugarren postua. Aurreikusita zegoen lasterketa Huyko Harresian erabakiko zela, eta horrela jazo da; igoera horretan, Pieterse izan da indartsuena.
SAILKAPENA:
1 - PIETERSE Puck (Fenix) 3:53:25
2 - VOLLERING Demi (FDJ) + 0:02
3 - LONGO BORGHINI Elisa (UAE) + 0:06
4 - NIEWIADOMA Katarzyna (Canyon) d. b.
5 - LIPPERT Liane (Movistar) + 0:11
6 - (LE COURT) PIENAAR Kimberley (AG Insurance) + 0:14
7 - LABOUS Juliette (FDJ) d. b.
8 - VINKE Nienke (Picnic) d. b.
9 - FISHER-BLACK Niamh (Lidl) + 0:20
10 - GEURTS Mijntje (Visma) d. b.
Zure interesekoa izan daiteke
Yara Kastelijnek irabazi du Burgosko Itzulia, eta Usoa Ostolaza hirugarren izan da
Sailkapen nagusian ez ezik, Neilako aintziretan bukatu den etapan ere hirugarrena izan da txirrindulari zarauztarra. Azken etapan, berriz, Kastelijn txapelduna gailendu da.
Paula Blasik irabazi du Durango-Durango Emakumeen Saria, erakustaldia emanda
UAEko txirrindulari kataluniarra, 2026ko Espainiako Vueltako txapelduna bera, bakarrik helmugaratu da; FDJko Evita Muzic bigarrena izan da, eta EF Education-Oatlyko Alice Towersek eskuratu du hirugarren postua.
Jon Barrenetxeak Finistereko Tourra eta Broucles de l’Aulne lasterketak irabazi ditu
Txirrindulari bizkaitarra onena izan da bi lasterketetan; horiek larunbatean eta igandean lehiatu dira, Bretainian. Garaipen horiekin, Gamiz-Fikakoak lau garaipen lortu ditu guztira profesional mailan; izan ere, 2024an Getxoko Zirkuitua eta 2025ean Andaluziako itzuliaren etapa bat irabazi zituen.
Cat Fergusonek irabazi du 2026ko Navarra Women’s Elite Classic lasterketa, aurreko ekitaldian lortutako garaipena berretsita
Movistar taldeko txirrindulari britainiarra gailendu da, Iruñean, proban erabakigarria izan den esprintean, asteazkenean. Bideo honetan, klasikoko azken kilometroa dago ikusgai; Ruby Roseman-Gannon eta Fiona Mangan ere podiumean izan dira.
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.