Joao Almeida, 2025eko Itzuliko txapelduna eta Eibarko seigarren etapako garailea
Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita. Euriak markatutako etapan, maillot horiaren taldeak Ben Healy iheslaria harrapatu du 21 kilometroren faltan, eta etapa garaipena Almeidak eta Masek borrokatu dute, portugaldarra nagusi izan delarik.
Sailkapen nagusian, Almeidak eskuratu du maillot horia, Enric Mas (Movistar) espainiarra bigarren eta Maximilian Schachmann (Soudal) alemaniarrak itxi du podioa.
Hasierako saiakerek huts egin ostean, Diego Uriarte (Kern Pharma) nafarra tartean, Azurki mendateak 20 txirrindulari aukeratu ditu eguneko ihesaldirako, tartean Ion Izagirre (Cofidis), Txomin Juaristi (Euskaltel) eta Unai Iribar (Kern Pharma).
Baina Krabelinera iritsi aurretik, Ben Healy (EF) irlandarrak, 5. etapako irabazleak, eta Daniel Felipe Martinez (Red Bull-Bora) kolonbiarrak erasora jo dute, eta kilometro batzuetako aldea mantendu dute, hainbat txirrindularik harrapatu dituzten arte.
Bitartean, tropelak UAE Emirates izan du buru, eta ez du aldea bi minututik gorakoa izaten utzi, Joao Almeida liderrak etapa amaierarako izango zuen borrokan pentsatuz.
102 kilometroren faltan, Bruno Armirail (Decathlon) frantziarrak ihes egin du, eta lasterketaren buruan jarri da, lehen multzoari minutu erdiko aldea aterata.
30 bat km egin ditu bakarrik, baina ondoren Healyk, Martinezek eta Jegatek harrapatu dute. Atzetik zihoan taldea, Izagirre tartean zela, aldea murrizten joan da Karabietara iristean, eta iheslariak harrapatu ditu. Kuss, Juaristi eta Pickering, berriz, tropelak harrapatu ditu.
Igoeraren azken kilometroetan euriak eragina izan du lasterketan, Karabietako ibilbide gogorra zailduz.
Azken 50 kilometroetan, Healyk eta Martinezek erasoa jo dute berriro Izuako igoeran ihes egiteko, eta handik gutxira irlandarrak atzean utzi du kolonbiarra. Bestalde, UAE etapa amaiera prestatzen hasi da eta minutu batera murriztu du aldea.
Une horri eta leku hori, Izua, aukeratu du Almeidak garaipenaren bila jotzeko, Soler eta Masekin batera. Jeat eta Martinez harrapatu ditu lehenengo, Healy bigarren etaparen bila joan delarik.
21 kilometroren faltan harrapatu du maillot horiaren taldeak Healy, eta hortik aurrera beste lasterketa bat hasi da, sailkapen nagusikoa. Bost txirrindularik osatutako taldeak gidatu du lasterketa helmugara arte. Skjelmose haiekin zegoen, baina erori egin da bihurgune itxi batean, euriagatik neurri batean.
Azken lehia Almeida eta Masen artekoa izan da, non portugaldarrak irabazi duen 2025eko Itzulia bereganatuz. Hirugarren Healy izan da.
Horrela, Joao Almeida da Itzulia irabazi duen lehen portugaldarra. Era berean, lau urteko madarikazioa hautsi du: azken etapara lider gisa iritsi zen txirrindulari batek ere ez zuen Itzulia irabazi.
6. ETAPAKO SAILKAPENA
SAILKAPEN NAGUSIA
Zure interesekoa izan daiteke
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
2026ko Euskal Herriko Itzuliko 6. etaparen profila eta ibilbidea: Goizper-Antzuola—Bergara (135,4 km)
“Azken etapa ez da tramite hutsa izango”, ohartarazi dute Itzuliaren antolatzaileek, lehiako seigarren eta azken egunak zer ekarri ahal duen aztertuta. Asentzio, Elosua eta Azkarate bina aldiz igoko dituzte, eta, guztira, hiru igoera 2. mailakoak izango dira: “Sailkapen nagusia estu-estu egotekotan”, adierazi du Itzuliak, “etengabeko markaketak izango dira; urrundik azkeneko erasoa jotzeko aukera balia lezake baten batek, halaber”.