Van der Poel eta Pogacar oilarren arteko norgehiagoka, “Iparraldeko infernuan”
2025eko gizonezkoen Paris-Roubaix lasterketa igandean jokatuko dute, apirilaren 13an, 11:10etik aurrera. Probako 122. ekitaldiko ibilbideak 259,2 kilometro izango ditu, Compiegnen hasiko da, eta, ohi bezala, Roubaixeko belodromoan amaitu, 17:03tik 17:35era bitartean, antolatzaileek aurreikusita dutenez. Zaleek zuzenean ikusteko aukera izango dute, 12:00etatik, EITBren bidez; ordu horretan, eitb.eus-eko eta ETB4ko emanaldia hasiko da, eta, Euskal Telebistan, ETB1ek 15:00etan lekukoa hartuko du (eitb.eus-eko emanaldiak ez du etenaldirik izango).
Paris-Roubaix lasterketako antolatzaileek, testuinguru horretan, ikusgarria izango den ekitaldia iragarri dute. Irteeran, munduko txapelduna den eta berriki Flandriako Itzulia irabazi duen Tadej Pogacar izango da (UAE), bai eta Paris-Roubaix lasterketa 2023an eta 2024an eta azken Milan-San Remo klasikoa bereganatu zituen Mathieu van der Poel (Alpecin-Deceuninck) ere. Visma Lease a Bike taldeko Wout van Aert, edozein lasterketatan faborito nagusietakoa bera, hirugarren hautagai nagusia izango da. Pogacarrek orain arte inork lortu ez duen balentria bat eskuratzeko aukera du, alegia, Flandriako Itzulia eta "Neguko Infernua" bata bestearen atzean, Frantziako Tourreko indarreko txapelduna izanda.
Lasterketan, galtzada harrizko 30 tarte izango dira, guztira 55,3 kilometro. Baldintza horietan ahaleginduko dira lehiatzen, arestian esandako gizonez gain, beste txirrindulari handi batzuk ere, Mads Pedersen (Lidl-Trek), Filippo Ganna (INEOS Grenadiers), Stefan Kung (Groupama-FDJ) eta Jasper Philipsen (Alpecin) kasu. Iragarrita dago, gainera, Red Bull-BORA taldeko Oier Lazkano ere izango dela lasterketan, euskal txirrindularitzako ordezkari gisa.
Ez ahaztu, 2025eko Paris-Roubaix lasterketa eitb.eus-ek eta ETBn emango dute (Euskal Telebistan, lehenik ETB4n eta, gerora, 15:00etatik, ETB1en), 12:00etatik aurrera, igandean. Aurreko egunean, emakumezkoen Paris-Roubaix lasterketa ere jokatuko dute, bosgarrenez; hori ere bada WorldTour mailakoa.
Kontsultatu, hemen, 2025eko Paris-Roubaix lasterketako mapa.
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.