Ethan Vernonek irabazi du Figuereseko esprinta, eta Matthew Brennanek lider jarraitzen du Kataluniako Itzulian
Israel-Premier Tech taldeko Ethan Vernon txirrindulari britainiarrak 2025eko Kataluniako Itzuliko bigarren etapa irabazi du, esprintean, Figueresen, asteartean; sailkapen nagusian, Matthew Brennan Visma-Lease a Bike taldeko ziklistak, britainiarra bera ere, lehen postuari eutsi dio, aurreneko egunean garaipena eskuratuta eta asteartean bigarren postua lortuta. Sailkapen nagusi horretan, ez da nabarmentzeko moduko aldaketarik izan.
Vernon izan da onena Gironako hirian jokatutako esprintean, lasterketako 104. Ekitaldian mendiko etapak hasi aurretik; izan ere, asteazkeneko jardunaldian La Molina eski estazioan amaituko da. Aurretik, euskal taldeak, berriro ere, eguneko ihesaldian sartu dira; hain zuzen ere, Euskaltel-Euskadiko Danny van der Tuuk, Kern Pharmako Diego Uriarte eta Caja Rural-Seguros RGAko Calum Johnston ibili dira ihes eginda. Gehienez, hiru minutuko abantaila lortu dute, baina tropelak helmugarako 70 bat kilometro gelditzen zirela harrapatu ditu. Hori bai, Van der Tuuk mendiko sailkapeneko liderra da.
Horrenbestez, Ethan Vernon bigarrenez nagusitu da Kataluniako Itzulian, 2022an ere irabazi baitzuen beste etapa bat, orduan Vilanova i la Geltrun.
Etapako sailkapena
1 - VERNON Ethan (Israel) 4:16:16
2 - BRENNAN Matthew (Visma) d. b.
3 - GROVES Kaden (Alpecin) d. b.
4 - LAURANCE Axel (INEOS) d. b.
5 - BITTNER Pavel (Picnic) d. b.
6 - GODON Dorian (Decathlon) d. b.
7 - VAN DEN BERG Marijn (EF Education) d. b.
8 - ANIOLKOWSKI Stanislaw (Cofidis) d. b.
9 - SMITH Dion (Intermarche) d. b.
10 - FOLDAGER Anders (Jayco) d. b.
Sailkapen nagusia
1 - BRENNAN Matthew 8:41:17
2 - GROVES Kaden (Alpecin) + 0:06
3 - DEL GROSSO Tibor (Alpecin) + 0:12
4 - MAS Enric (Movistar) + 0:13
5 - AYUSO Juan (UAE) m. t.
6 - ROGLIC Primoz (Red Bull) + 0:15
7 - GODON Dorian (Decathlon) + 0:16
8 - VENDRAME Andrea (Decathlon) d. b.
9 - LECERF Junior (Soudal) d. b.
10 - BITTNER Pavel (Picnic) d. b.
18 - LANDA Mikel (Soudal) d. b.
Caleb Ewan gailendu da Coppi eta Bartali Nazioarteko Asteko lehen etapan, eta aurreneko liderra da
Halaber, Italian, Coppi eta Bartali Nazioarteko Asteko lehen etapa jokatu dute, eta Caleb Ewan INEOS Grenadiers taldeko txirrindulari australiarrak irabazi du, esprintean; hala, sailkapen nagusiko lehenengo liderra da.
Zure interesekoa izan daiteke
Lonardik irabazi du Arctic Race lasterketako lehen etapa esprintean, eta Paul Hennequin Euskalteleko txirrindulariak erorikoa izan du
Polti VisitMalta taldeko txirrindulari italiarra azkarrena izan da azken metroetan, Jason Tesson frantziarra eta Riley Pickrell kanadarra gaindituta. Azken kilometroan sartuta Paul Hennequin Euskaltel-Euskadiko txirrindulari frantziarrak eroriko gogorra izan du, hesien kontra jota. Zorionez, ez du lesio larririk, eta helmugaratu da.
Xabier Isasak irabazi du Portugalgo Itzuliaren seigarren etapa
Urretxuko txirrindulariak egun osoa ihesaldian eman du, eta Rui Oliveira portugaldarrari esprintean nagusitu zaio, bigarren talde bat gainean zuela. Gipuzkoarraren aurreneko garaipena da profesionaletan.
2026ko Norvegiako Arctic Race lasterketako etapa guztien profilak eta ibilbideak
Norvegiako Arctic Race abuztuaren 13tik 16ra bitartean jokatuko da, eta Evenesen hasi eta Narviken amaituko da. Lau etapak zuzenean eskainiko ditu EITBk.
Maite Urteagak irabazi du Gaztela-Mantxako Itzulia
Natalia Vasquezek irabazi du azken etapa, gipuzkoarra izan da bigarren, eta Lur Zufiria, berriz, hirugarren.
Burgosko Itzuliko bosgarren etapako azken kilometroa
Burgosko Itzuliko azken etapa, Caleruegas eta Lagunas de Neila artean (137 km) burutu da. Giulio Pellizzari nagusitu da sei txirrindularik osatutako ihesaldi batean. Bere aldetik, Felix Gallek sailkapen nagusiko lidergoari eutsi dio eta 2026ko Burgosko Itzuliko txapeldun bilakatu da.
Felix Gallek irabazi du Burgosko Itzulia, etapa nagusian Pellizzarik erakustaldia eman ostean
Decathlon taldeko txirrindulari austriarrak Burgosko Itzuliko garaipena ziurtatu du Neilako aintziretako igoeran hirugarren postuari eutsita. Giulio Pellizzari eskalatzaile italiarrak, berriz, azken etapa irabazi du erakustaldia emanda.
Brennanek ez du hutsik egin esprintean, Briviescan, eta bigarrenez nagusitu da Burgosko Itzulian
Visma-Lease a Bike taldeko txirrindulari gazteak bere ahalmen izugarria erakutsi du berriro ere, Briviescako helmugan esprint estu batean garaipena eskuratzeko, aurtengo Burgosko Itzulian lortu duen bigarrena. Felix Gallek, berriz, liderraren maillot moreari eutsi dio, Neilako aintziretako azken jardunaldi erabakigarriaren atarian.
Burgosko Itzuliko laugarren etapako azken kilometroa
Burgosko Itzuliko laugarren etapa, Palazuelos de Muño eta Briviesca artekoa (178 km), Matthew Brennan (Visma) britainiarrak irabazi duen esprint estu batean erabaki da. Ikusi hemen nolakoa izan den etapako azken kilometroa.
Hiru etapa Burgosko Itzulian, eta hiru lider: honela lortu du Felix Gallek
Decathloneko txirrindulari austriarra Escudo mendateko etapan gailendu da; igoera horretan erakutsi du indartsu dabilela, eta sasoi puntu ona duela.
Felix Gall izan da indartsuena Escudo mendatean, eta Burgosko Itzuliko lider jarri da
Decathlon taldeko txirrindulari austriarrak, lasterketako hirugarren eguneko azken kilometroak markatu dituen mendate gogorrean, atzean utzi ditu Oscar Onley, alegia, orain arte sailkapen nagusiko lehen postuan zegoen ziklista, Ciccone eta Pellizzari, eta etapa irabazi du eta liderraren maillota jantzi.