Tim Merlier berriro ere nagusitu da Paris-Nizan, eta sailkapen nagusian duen lehen postua sendotu du
Tim Merlier Soudal Quick-Step taldeko txirrindulari flandriarrak irabazi du 2025eko Paris-Nizako bigarren etapa, esprintean, Bellegarden, astelehenean, eta, hala, sailkapen nagusian duen lehen postua sendotu egin du; izan ere, lasterketako lehen etapan ere, igandean, Merlier bera nagusitu zen. Bigarren etapako helmugan, TotalEnergieseko Emilien Jeanniere helmugaratu da bigarren, eta Lidl-Trekeko Mads Pedersenek eskuratu du hirugarren postua. Halaber, bigarren etapan ere, Caja Rural-Seguros RGA taldeko Gorka Sorarrainek lasterketa utzi behar izan du, erorikoa izan baitu; euskal ziklistak lepauztaia hautsita du.
Merlierrek, testuinguru horretan, denboraldiko seigarren garaipena erdietsi du, eta berretsi egin du sasoi puntu bikainean dabilela. Europako egungo txapeldunak, aurreko egunean bezala, nagusitasun handiz gailendu da, eta aurkari guztiak atzean utzi ditu. Soudal Qquick-Stepeko esprinter flandriarrak ezin hobeto baliatu du irabazteko zuen aukera, Paris-Nizako aurreneko bi etapetan; orain, pentsatzeko modukoa da astearteko erlojupekoak aldaketa handia ekarriko diola sailkapen nagusiari.
Bigarren etapako beste protagonista Jonas Abrahamsen izan da. Uno-X Mobility taldeko txirrindulari norvegiarra ihes eginda ibili da, lasterketa buruan, beste gizon batzuek lagunduta, eta, gerora, bakarka, ia egun osoan; azkenean, helmugarako bi kilometro eta erdi gelditzen zirela harrapatu du tropelak. Egindako ahaleginak ez dio Abrahamseni garaipenaren saria ekarri, baina agerian utzi du nolako indarra duen, denboraldiko garai honetan.
Arestian esan bezala, Gorka Sorarrain Caja Rural taldeko gipuzkoarrak —Paris-Nizan zebilen euskal txirrindulari bakarra— proba utzi behar izan du, helmugako pankartapean jokatu duten esprint ikusgarrian erorikoa izan baitu. Ez da izan, tamalez, eguneko ezbehar bakarra: amaierarako 45 kilometro gelditzen zirela, zenbait gizon jauzi dira, tropelean.
83. Paris Nizan, asteartean, hirugarren etapa izango da jokoan, eta taldekako erlojupekoa izango da; Neversen egingo dute, eta 28,4 kilometroko ibilbidea izango du. Sailkapen nagusian aldaketa handia izan liteke, eta EITBn izango da ikusgai; eitb.eus eta ETB4 14:35ean hasiko dira lasterketa ematen, zuzenean, eta telebistako emanaldia, 15:20an, ETB1era pasako da.
Etapako sailkapena
1 - MERLIER Tim (Soudal) 4:11:29
2 - JEANNIERE Emilien (TotalEnergies) d. b.
3 - PEDERSEN Mads (Lidl) d. b.
4 - KRISTOFF Alexander (Uno-X) d. b.
5 - KIELICH Timo (Alpecin) d. b.
6 - ZINGLE Axel (Visma) d. b.
7 - DEMARE Arnaud (Arkéa) d. b.
8 - GOVEKAR Matevž (Bahrain) d. b.
9 - JAKOBSEN Fabio (Picnic) d. b.
10 - BOL Cees (XDS) d. b.
Sailkapen nagusia
1 - MERLIER Tim (Soudal) 7:43:12
2 - DEMARE Arnaud (Arkéa) + 0:14
3 - JEANNIERE Emilien (TotalEnergies) d. b.
4 - JORGENSON Matteo (Visma) d. b.
5 - NARVAEZ Jhonatan (UAE) d. b.
6 - ABRAHAMSEN Jonas (Uno-X) d. b.
7 - PEDERSEN Mads (Lidl) + 0:16
8 - VAN DIJKE Mick (Red Bull) d. b.
9 - DAINESE Alberto (Tudor) d. b.
10 - SHEFFIELD Magnus (INEOS) + 0:18
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.