Sepp Kussek irabazi du Lagunas de Neilan, eta aurreneko postuan jarri da Burgosko Itzuliko sailkapen nagusian
Visma-Lease a Bike taldeko Sepp Kuss txirrindulari estatubatuarrak irabazi du 2024ko Burgosko Itzuliaren hirugarren etapa, Lagunas de Neilan, eta, halaber, sailkapen nagusiko lehenengo tokian jarri da. Kuss izan da indartsuena hirugarren etapari amaiera eman dion igoera gogorrean; izan ere, Astanako Lorenzo Fortunatorekiko eta Caja Rural-Seguros RGAko Jefferson Cepedarekiko zazpi segundoko aldea lortu du. Sailkapen nagusian, Kussek 13 segundo ditu, Cepedarekiko, eta 27, DSMko Poolekiko.
Pentsatzeko modukoa zen lehia bizia izango zela Burgosko Itzuliaren sailkapen nagusia helburu gisa duten gizonen artean, eta lasterketak bete egin du aurreikuspen hori. Kussek, 2023ko Espainiako Vueltako irabazlea bera, ezin izan zuen 2024ko Frantziako Tourrean parte hartu, covid-19ak jota, baina erakutsi du bide onean daramala hilaren 17an hastekoa den Espainiako Vueltarako.
Proban dabiltzan euskal txirrindulariei dagokienez, nabarmendu beharra dago Caja Ruraleko Alex Diazek egindako lan ona, gipuzkoarra eguneko ihesaldian sartu baita; Kern Pharmako Urko Berrade hamaikagarren helmugaratu da eta postu horretan bertan dabil sailkapen nagusian, eta INEOS Grenadierseko Oscar Rodriguez hamalaugarren dabil.
Ostegunean, 2024ko Burgosko Itzuliaren laugarren eta azken-aurreko etapa jokatuko dute. 18,5 kilometroko banakako erlojupekoa izango da hori; irteera Santa Maria del Campon izango du egunak, eta helmuga, ordea, Pampliegan.
Etapako sailkapena
1 - KUSS Sepp (Visma) 3:22:05
2 - FORTUNATO Lorenzo (Astana) + 0:07
3 - CEPEDA Jefferson Alveiro (Caja Rural) d. b.
4 - POOLE Max (DSM) + 0:20
5 - ROMO Javier (Movistar) + 0:23
6 - CEPEDA Jefferson Alexander (EF Education) + 0:26
7 - CASTRILLO Pablo (Kern Pharma) + 0:28
8 - LAFAY Victor (Decathlon) + 0:32
9 - STORER Michael (Tudor) d. b.
10 - HIGUITA Sergio (Red Bull) + 0:34
11 - BERRADE Urko (Kern Pharma) d. b.
14 - RODRIGUEZ Oscar (INEOS) + 0:44
Sailkapen nagusia
1 - KUSS Sepp (Visma) 11:24:04
2 - CEPEDA Jefferson Alveiro (Caja Rural) + 0:13
3 - POOLE Max (DSM) + 0:27
4 - FORTUNATO Lorenzo (Astana) + 0:30
5 - CEPEDA Jefferson Alexander (EF Education) + 0:36
6 - CASTRILLO Pablo (Kern Pharma) + 0:38
7 - LAFAY Victor (Decathlon) + 0:42
8 - STORER Michael (Tudor) d. b.
9 - UIJTDEBROEKS Cian (Visma) + 0:44
10 - PIGANZOLI Davide (Polti) d. b.
11 - BERRADE Urko (Kern Pharma) d. b.
14 - RODRIGUEZ Oscar (INEOS) + 0:54
Zure interesekoa izan daiteke
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.
Romeok erakustaldia eman eta etapa irabazi du Padronen, eta Pinarello da lider berria
Movistar taldeko txirrindulariak irabazi du O Gran Camiñoko hirugarren etapa, Carballo eta Padron artean. 22 urteko txirrindulari gazteak seigarren garaipena du profesional mailan.