Aurten ere izen handiko txirrindulariak izango dira Voltan
Kataluniako Itzuliko 101. edizioa gaur hasiko da eta 27an amaitu Bartzelonan.
Urtero legez izen handiko txirrindulariak izango dira Sant Feliu de Guixolseko irteeran; faborito nagusienak Richard Carapaz (INEOS), Alejandro Valverde (Movistar), Nairo Quintana (Team Arkea) eta Richie Porte (INEOS) dira.
Iaz Adam Yatesek lortu zuen garaipena INEOSentzat eta aurten ere talde indartsua aurkeztuko dute. Carapaz eta Porte ezezik, Jonathan Castroviejo getxoztarra eta Michal Kwiatkowski ziklistek hartuko dute parte.
Sailkapeneko lehenengoen artean egoteko kalitatezko beste txirrindulari asko daude, esaterako, Rigoberto Uran eta Esteban Chaves (EF Education-Easy Post), Marc Soler (UAE Team Emirates), Joao Almeida (UAE Team Emirates) eta Simon Yates (Team BikeExchange-Jayco).
Nabarmentzekoa da Alejandro Valverde beteranoaren azken Volta izango dela hau. Murtziarrak 2009, 2017 eta 2018ko edizioak irabazi zituen eta postu on bat egiteko Carlos Verona Jose Joaquin Rojas eta Ivan Sosa izango ditu lagun.
Esloveniarreko izarrik ez
2021eko irabazleak, INEOS taldeko Adam Yatesek, ez du parte hartuko eta Esloveniako Primoz Roglic (Jumbo-Visma), Tadej Pogacar (UAE Team Emirates), eta Matej Mohoric (Bahrain Victorious) ere ez. Hiru ziklista hauek Paris-Niza, Tirreno-Adriatikoa eta Milan-San Remo irabazi dute aurten, hurrenez hurren.
Goi-mendiko bi etapa
Sailkapen nagusia irabazteko bi egun azpimarratu behar dira, La Molinako eta Boi Taulleko gainetan amaitzen diren etapak hain zuzen ere. Lasterketak Bartzelonan izango du amaiera eta Montjuiceko mendatea sei bider igo beharko dute urtero egiten den zirkuituan.
67 urte eta gero Perpinyàra bueltatuko da Volta, bigarren etapan izango da eta bertan ere hirugarren jardunaldiari hasiera emango zaio.
Esprinterrek 5. etaparekin izango dute hitzordua, La Pobla de Segurren hasi eta Vilanova i la Geltun amaitzen den egunean.
Etapak
1. etapa, martxoak 21: Sant Feliu de Guixols - Sant Feliu de Guixols, 171,2 km.
2. etapa, martxoak 22: L'Escala - Perpinyà, 202,4 km.
3. etapa, martxoak 23: Perpinyà - La Molina, 161,1 km.
4. etapa, martxoak 24: La Seu d'Urgell - Boi Taull, 166,7 km.
5. etapa, martxoak 25: La Pobla de Segur - Vilanova i la Geltru, 206,3 km.
6. etapa, martxoak 26: Salou - Cambrils, 167,6 km.
7. etapa, martxoak 27: Bartzelona - Bartzelona, 138,6 km.
Zure interesekoa izan daiteke
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.
Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yatesen azken erasoa eta garaipena O Gran Camiñoko etapa nagusian
Britainiarrak erasoa jo du helmugarako 3,5 kilometroren faltan eta inor ez da gai izan bere erritmoari jarraitzeko. Jørgen Nordhagen norvegiarra saiatu da sailkapen nagusiari agur ez esateko, baina Visma taldeko txirrindularia ere ezinean aritu da. Gauza bera gertatu zaio Alessandro Pinarello gaur arteko liderrari ere.