Roglic, Dumoulin eta Nibali, faborito nagusiak
Esloveniako Primoz Roglic (Jumbo), Holandako Tom Dumoulin (Sunweb) eta Vincenzo Nibali (Bahrain) italiarra dira hautagai nagusienak 2019ko Tirreno - Adriatikoa irabazteko.
Bi itsasoen lasterketa bezala ezagutzen da eta aurten martxoaren 13tik 19a bitartean jokatuko da.
Roglicek Arabiar Emirerri Batuetako Itzulia irabazi berri du, sasoiko dago eta ibilbidea alde duela dirudi. Dumoulin errebantxarako prest dago eta hasierako erlojupekoa irabazteko faborito nagusiena da. Nibalik Italiako Giroa du buruan eta erritmo bila lehiatuko da, beraz, marrazoak zer nolako maila eman dezakeen ikusiko beharko da.
Thibaut Pinot eta Adam Yates txirrindulariak ere lehen postuetan egoteko lehiatuko dira.
Tirreno - Adriatiko lasterketa 1966. urtetik jokatzen da eta UCI World Tour egutegian sartuta dago. Lido di Camaioren hasiko da erlojupeko batekin eta Italia zeharkatu eta gero San Benedetto del Tronton amaituko da erlojuaren kontrako beste saio batekin.
AZKEN IRABAZLEAK
| IRABAZLEA | BIGARRENA | HIRUGARRENA | |
| 2013 | Vincenzo Nibali | Chris Froome | Alberto Contador |
| 2014 | Alberto Contador | Nairo Quintana | Roman Kreuziger |
| 2015 | Nairo Quintana | Bauke Mollema | Rigoberto Urán |
| 2016 | Greg Van Avermaet | Peter Sagan | Bob Jungels |
| 2017 | Nairo Quintana | Rohan Dennis | Thibaut Pinot |
| 2018 | Michal Kwiatkowski | Damiano Caruso | Geraint Thomas |
ETAPAK ETA PROFILAK
1. etapa, Lido di Camaiore (taldekako erlojupekoa), 21.5 km
2. etapa, Camaiore-Pomarance, 189 km
3. etapa, Pomarance-Foligno, 224 km
4. etapa, Foligno-Fossombrone, 223 km
5. etapa, Colli al Metauro-Recanati, 178 km
6. etapa, Matelica-Jesi, 195 km
7. etapa, San Benedetto del Tronto (erlojupekoa), 10.1 km
Argazkiak: www.tirrenoadriatico.it
Zure interesekoa izan daiteke
Ion Izagirre nagusitu da Marco Pantani Memorialean
Izagirrek Miguel Indurain Sari Nagusia irabazi zuen apirilean, hiru urteko lehortearen ondoren, eta guztira 20 garaipen lortu ditu profesionaletan.
Imanol Arriortua etxean da Munduko Txapelketan irabazitako urrezko dominarekin
Imanol Arriortuak Huntsvillen (Alabama, AEB) jokatu den Munduko Txapelketan urrezko domina irabazi du tandem modalitatean. %10eko ikusmen urritasunarekin, txirrindulari egokitu bezala hartu du parte eta Mikel Aristi izan du pistako gidari modura. Biak ala biak, pozik bezain harro daude lortutako emaitzarekin.
Imanol Arriortuak Munduko Txapelketa irabazi du, tandem modalitatean, Alabaman
Basque Teameko txirrindulari bizkaitarrak, Mikel Aristi bere pilotuak gidatuta, Huntsvillen jokatutako Munduko txirrindularitza paralinpiko Txapelketako errepideko lineako probako urrezko domina irabazi du. Erlojupekoan, Arriortuak bosgarren postua eskuratu zuen.
Usoa Ostolazak, Igor Arrietak eta Markel Belokik Montrealgo Munduko Txapelketa jokatuko dute, errepideko lasterketan
Emakumezkoen proba irailaren 26an jokatuko dute, larunbatez; gizonezkoena, ordea, irailaren 27an izango da.
Alex Aranburuk irabazi du Bretainiako Klasikoa
Ezkioko txirrindulariak erasora jo du helmugarako bi kilometro falta zirenean, Plouayn hasi eta amaitu den 228 kilometroko ibilbidea lehen postuan bakarrik amaitzeko.
Isaac del Torok irabazi du Alemaniako Itzulia eta Paul Magnierrek azken etapa
Mexikarrak lidergoa mantentzea lortu du Alemaniako Itzuliko laugarren etapan, eta Paul Magnier frantziarrak azken esprint estu batean irabazi du etapa hau. Hemen dago etapa honen azkeneko kilometroa.
Pellizzarik irabazi du hirugarren etapa eta Del Toro lider jarri da berriro Alemaniako Itzulian
Red Bull-Bora taldeko txirrindulari italiarrak eta UAE taldeko mexikarrak elkarrekin egin dituzte azken kilometroak, tropelari aurrea hartuta, eta Del Torok Pellizzariri eman dio garaipena helmugan.
Alex Aranburuk bigarren egin du, Limousingo Tourrean
Cofidis taldeko euskal txirrindularia, 2022ko irabazlea eta Limogesen amaitu den azken etapan bigarren izan dena, Ewen Costiou (Groupama) irabazlearengandik 15 segundora geratu da sailkapen nagusian.
Alessio Magagnottik irabazi du Alemaniako Itzuliko bigarren etapa
Italiarraren atzetik, Paul Magnier izan da azken esprint estuan helmugaratu den hurrengo txirrindularia.
Ziortza Villa: “Austriako Europako Txapelketa nire kirol ibilbideko erronka handienetako bat da"
Ultrafondista bizkaitarra nekaezina da. Ultraziklismoko 12 orduko modalitatean Europako txapeldun izan ondoren, Kroazian, Ziortza Villak bere espezialitatea zertan datzan azaldu du, baita izango dituen hurrengo erronkei begira izan duen prestaketaren xehetasunak ere. Abuztuaren amaieran Austrian jokatuko den 1000km-ko Europako Txapelketan arituko da eta azaroan Floridan jokatuko den Munduko Txapelketan.