Vismaren garaipen osoa: Yatesek irabazi du Giroa eta Kooijek azken etapa

Simon Yates (Visma Lease a Bike) britainiarrak irabazi du 2025eko Italiako Giroa, eta 'maglia' arrosaren jabea da, edizioko azken etapa amaituta. Erroman hasi eta amaitu den 145 kilometroko ibilbidean, Olav Kooij taldekidea izan da azken irabazlea, Kaden Groves (Alpecin) eta Matteo Moschetti (Q36.5) atzetik izan dituelarik.

Sailkapen orokorrean, Yates izan da txapelduna 82:31: 01eko denborarekin. Bigarren Isaac Del Toro (UAE) izan da, 3:56 minutura, eta hirugarren Richard Carapaz (EF), 4:43 minutura.

Lasterketaren amaiera ekarri duen etapan, tropela bat eginda egon da laua izan den ia ibilbide osoan zehar. Txirrindulari gutxi batzuk bakarrik animatu dira erritmoa bizkortzera, baina euren abenturak gutxi iraun du.

Azkenean, denak batera helmugaratu dira, eta Simon Yates izan da ofizialki Giroko irabazlea.

21. ETAPAKO SAILKAPENA

1.- KOOIJ Olav (Visma) 3:12:19

2.- GROVES Kaden (Alpecin) d. b.

3.- MOSCHETTI Matteo (Q36.5) d. b.

4.- PEDERSEN Mads (Lidl) d. b.

5.- LAMPERTI Luke (Soudal) d. b.

6.- KANTER Max (Astana) d. b.

7.- BARONCINI Filippo (UAE) d. b.

8.- AULAR Orluis (Movistar) d. b.

9.- ZANONCELLO Enrico (VF) d. b.

10.- LONARDI Giovanni (Polti) d. b.

SAILKAPEN NAGUSIA

1.- YATES Simon (Visma) 82:31:01

2.- DEL TORO Isaac (UAE) +3:56

3.- CARAPAZ Richard (Ed Education) +4:43

4.- GEE Derek (Israel) +6:23

5.- CARUSO Damiano (Bahrain) +7:32

6.- PELLIZZARI Giulio (Red Bull) +9:28

7.- BERNAL Egan (INEOS) +12:42

8.- RUBIO Einer (Movistar) +13:05

9.- MCNULTY Brandon (UAE) +13:36

10.- STORER Michael (Tudor) +14:27