2025eko Italiako Giroko 8. etaparen profila: Giulianova-Castelraimondo (197 km)
Maiatzaren 17an, larunbatean, 2025eko Italiako Giroko 8. etapa jokatuko da, Giulianova eta Castelraimondo artean. Etapak 197 kilometroko ibilbidea izango du, eta txirrindulariek lau mendate gainditu beharko dituzte: 4. mailako bat, 3. mailako bi eta 1. mailako bat.
Ibilbideko 1. mailako mendate bakarra Valico di Santa Maria Maddalena (1.455 m) izango da. 13,1 kilometroko igoera eta batez beste % 7,4ko maldak ditu. Etaparen amaieran, bi igoera labur baina gogor izango dira: Castel Santa Mariakoa eta Gagliolekoa (4. maila). Lehenengoa bi kilometroko igoera da, eta % 13rainoko maldak ditu. Ondoren, helmugarako 6,5 kilometro falta direnean, Gagliole igoko dute: 800 metroko igoera eta % 12rainoko maldak ditu.
Azken hori gainditutakoan, jaitsiera azkar eta teknikoa dator, azken 2 kilometroetan sartu arte, eta amaierako bi kilometroek goranzko joera izango dute.
Etapa zuzenean jarraitu ahal izango da eitb.eus-en 13:25ean, ETB4n 14:00etan eta ETB1en 15:15etik aurrera.
ETAPAREN PROFILA
FITXA TEKNIKOA
Etapa: 8. etapa (maiatzak 17, larunbata)
Ibilbidea: Giulianova-Castelraimondo
Distantzia: 197 km
Hasiera-ordua: 12:15
Amaiera ordua: 16:59 (41 km/h) | 17:14 (39 km/h) | 17:30 (37 km/h)
Mendiko saria: Croce di Casale (3. maila), 60,9. kilometroan; Sassotetto (1. maila), 104,9. kilometroan; Montelago (3. maila), 152,1. kilometroan; Gaglioie (4. maila), 190,5. kilometroan.
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.