Pedersenek bere bigarren etapa irabazi du, esprintean, eta maglia arrosa berreskuratu du
Mads Pedersen (Lidl-Trek) danimarkarrak irabazi du, esprintean, 2025eko Italiako Giroko hirugarren etapa, Albanian. Hala, Primoz Roglic (Red Bull-BORA) esloveniarrak larunbatean kendu zion maglia arrosa berreskuratu du.
3 ordu, 49 minutu eta 47 segundo behar izan ditu ibilbidea osatzeko, eta Corbin Strong (Israel-Premier Tech) zeelandaberritarra eta Orluis Aular (Movistar Team) venezuelarra gainditu ditu azken esprintean.
Pedersen Tiranan ere nagusitu zen, Giroaren estreinakoan, eta bera izan da indartsuena etapa erabaki duen esprintean, tropel osoa batera helmugaratu baita, eguneko ihesaldia helmugarako 15 kilometroren faltan harrapatu ondoren.
Sailkapen nagusian, 9 segundora du orain Primoz Roglic esloveniarra, eta Mathias Vacek (Lidl-Trek) txekiarra dago hirugarren, 14 segundora.
Ihesaldi oparoa sortu da lehen kilometroetan, eta minutuek aurrera egin ahala txirrindulariak galduz joan da. Helmugarako 40 kilometroren faltan, Pello Bilbao (Bahrain-Victorious) bizkaitarrak eta Lorenzo Fortunato (XDS-Astana) italiarrak hartu dute aurrea lasterketa gidatzeko.
Elkarrekin igo dute Qafa e Llogarase, baina azken kilometro lauek Vlorera bakarrik iristea eragotzi diete; izan ere, 15 kilometroren faltan harrapatu dituzte. Tropela bat eginda iritsi da helmugara, eta Pedersen nabarmendu da bertan.
Astelehen honetan, txirrindulariek lehen atseden eguna izango dute, Italiara joateko.
3. ETAPAKO SAILKAPENA
1.- PEDERSEN Mads (Lidl-Trek) 3:49:47
2.- STRONG Corbin (Israel) d. b.
3.- AULAR Orluis (Movistar) d. b.
4.- RIVERA Brandon Smith (INEOS) d. b.
5.- ZAMBANINI Edoardo (Bahrain) d. b.
6.- OLDANI Stefano (Cofidis) d. b.
7.- VENDRAME Andrea (Decathlon) d. b.
8.- MARCELLUSI Martin (VF) d. b.
9.- FIORELLI Filippo (VF) d. b.
10.- SCARONI Christian (Astana) d. b.
SAILKAPEN NAGUSIA
1.- PEDERSEN Mads (Lidl-Trek) 7:42:10
2.- ROGLIC Primož (Red Bull-BORA) +0:09
3.- VACEK Mathias (Lidl-Trek) +0:14
4.- MCNULTY Brandon (UAE) +0:21
5.- AYUSO Juan (UAE) +0:25
6.- DEL TORO Isaac (UAE) +0:26
7.- POOLE Max (Picnic) +0:33
8.- TIBERI Antonio (Bahrain) +0:34
9.- STORER Michael (Tudor) +0:36
10.- PELLIZZARI Giulio (Red Bull-BORA) +0:40
Zure interesekoa izan daiteke
Volleringek erakustaldia eman du azken etapan bere lehen Giroa irabazteko
Niedermaierrek, bigarren, eta Van der Breggenek, hirugarren, osatu dute podiuma, eta Longo Borghinik irabazi du azken etapa.
Volleringek irabazi du Giroko etapa nagusia, eta Van der Breggenek lidertzari eutsi dio
Izotzezko plaka bat errepidera erortzeko arriskuagatik, etapa laburtu egin behar izan dute, eta lasterketa Finestre mendatean bukatu da, ondorengo jaitsiera eta Sestriererako azken igoera bertan behera utzita.
Celia Gery gailendu da esprintean, eta liderrak erorikoa izan du
Elisa Longo Borghinik (UAE) 5 segundo kendu dizkio Anna van der Breggeni (SD Worx), horrek izan duen sustoa aprobetxatuta.
Elisa Balsamok garaipen pokerra lortu du Brescellon
Txirrindulari italiar batek azken 25 urteetan inoiz lortu ez duena erditsi du Balsamok. Bera baino lehen, Fabiana Luperinik (1996) eta Greta Zoccak (2001) bakarrik lortu zuten balentria.
Volleringek irabazi du Santo Stefano di Cadoren eta Van der Breggenek maglia arrosari eutsi dio
FDJ United-Suez taldeko herbeheretarrak esprintean gainditu ditu Van der Breggen herrikidea eta Niedermaier alemaniarra. Van der Breggenek minutu bateko aldea du Volleringekiko sailkapen nagusian, 01:24koa Niedermaierrekiko eta 02:01ekoa Holmgrenekiko.
Van der Breggenek Balsamoren diktadurarekin amaitu eta maglia arrosa jantzi du kronoigoeran
SD Worx-Protime taldeko herbeheretarrak irabazi du laugarren etapako erlojupekoa, 12,7 kilometroko igoera, Belluno eta Nevegal artean. Elisa Balsamo italiarrak, aldiz, ikaragarri sufritu eta bederatzi minutu baino gehiago galdu ditu helmugan.
Elisa Balsamo italiarrak, hirutik hiru Italiako Giroan
Lidl-Trek taldeko txirrindulariak irabazi du Giroko hirugarren etapa, beste egun batez azken esprinta irabazita. 156 kilometroko etapa Bibione eta Buja artean jokatu da.
Honela geratu da 2026ko Italiako Giroko podiuma
Jonas Vingegaard (Visma) izan da 2026ko Italiako Giroko irabazlea. Felix Gall (Decathlon) bigarren izan da eta Jai Hindlay (Red Bull) hirugarren. Bestalde, Afonso Eulaliok (Bahrain) gazte onenaren maillota irabazi du, Giulio Cicconek (Lidl-Trek) eskalatzaileena eta Paul Magnierrek (Soudal) puntuena.
Vismak xanpainarekin ospatu du Vingegaarden garaipena Giroan
Jonas Vingegaardek ziurtatuta zuen garaipena Italiako Giroko azken etapa jokatu aurretik. Gauzak horrela, bere taldeak lasai hartu du ibilbidea eta xanpainarekin ospatzeko aprobetxatu dute.
Vingegaard txirrindularitzaren olinpoan sartu da, Giroa irabazita; Milan nagusitu da azken etapan
Visma-Lease a Bike taldeko txirrindulari daniarrak irabazi du 2026ko Italiako Giroa, hiru astez erakutsitako nagusitasunari esker, batez ere mendiko etapetan ia erabakita utzita. Garaipen honekin, hiru itzuli handiak eskuratu ditu. Jonathan Milan italiarrak, bere aldetik, azken etapa irabazi du esprint ikusgarri batean.