Italiako Giroak mendiko bost etapa handi izango ditu eta aurten ere Erroman amaituko da
Italiako Giroak bere 108. edizioa aurkeztu du astelehen honetan, Erroman. 2025ean jokatuko diren hiru lasterketa handienetatik (Giroa, Tourra eta Vuelta) luzeena izango da, 3.413 kilometroko ibilbidea eta 52.500 metroko desnibelarekin.
Etapei dagokienez, sei egokiak dira esprinterrentzat, maila ertaineko zortzi mendiko etapa eta goi-mailako bost. Horien artean, Mortirolo mitikoa igoko dute, 1.852 metroko altitudearekin, eta igoko diren guztien artean gogorrena, Colle delle Finestreko igoera, Cottianeko Alpeetako mendatea, Italiako Piamonte eskualdean. Gaina 2.178 metrora dago.
Lehen hiru etapak Albanian jokatuko dira, eta lehen atseden eguna maiatzaren 12an izango dute, astelehenarekin. Ondoren, etapa lauak izango dituzte, hiru, elkarren segidan, esprintak egiteko aproposak.
Bigarren atseden-eguna maiatzaren 19an, astelehenean, egingo dute. Jarraian, lehiaketaren bigarren asteari ekingo diote, Toscanan zehar, Luccatik Pisarako erlojupeko batekin, Knut Knudsen norvegiarrak 1977an irabazitako erlojupekoari keinu eginez.
Hirugarren eta azken atseden egunaren ondoren, lasterketa aste erabakigarrian sartuko da. San Valentinon, aldapan gora, amaituko den etapa bereziki gogorra izango da, bost mendate igo beharko baitituzte.
Sailkapenari begira zeresan handia izango duten bi etapa korrituko dituzte ondoren. Lehenengoa, Biellatik Champolucera (Italiako iparraldean), laburra da, baina 4.950 metroko desnibel zorrotzarekin. Bigarrena, Verresetik Sestrierera, luzeagoa da eta Colle delle Finestre eta Sestriere igo beharko dituzte. Sestriere 20 urtez jarraian igoko dute.
Amaiera, aurreko bi edizioetan bezala, Erromako hirigunean izango da.
Emakumezkoen lasterketa
Emakumezkoen Italiako Giroa, berriz, uztailaren 6tik 13ra bitartean jokatuko da. Bergamon hasiko da, banakako erlojupeko batekin, eta Imolan amaituko da, zortzigarren eta azken etaparekin.
Orotara, 939,6 kilometro egingo dituzte, zortzi etapatan banatuta, eta 14.000 metroko desnibela metatuko dute.
Zure interesekoa izan daiteke
Zenbat balio du UCI World Tourreko lasterketa bat antolatzeak?
Ikuskizuna bai, baina UCI World Tourreko lasterketa bat antolatzea garestia ere bada. Xabier Usabiagak kostuak zeintzuk eta zenbatekoak diren azaldu dizkigu, Itzulia eta Danilith Nokere Koerse adibidetzat jarrita.
Vingegaardek erakustaldia eman du Carì mendatean: lau etapa garaipen daramatza, eta aurkariak bigarren postuaren bila dabiltza
Jonas Vingegaardek 2026ko Italiako Giroko maglia arrosa du aldean, eta hamaseigarren etapan are gehiago sendotu du lehen postu hori; eguna Carì lehen mailako mendatean amaitu da, eta danimarkarrak erabat kontrolpean izan ditu aurkariak. Hala, azken horiek podiumeko beste bi postuak ari dira jokatzen.
Visma taldea nagusi izan da Cariko igoeran, eta Vingegaardek Giroa erabakita utzi du
Tropelak eguneko ihesaldia azken igoerako lehen aldapetan harrapatu du, eta, Team Visma-Lease taldeak gidatuta, erritmo gogorra ezarri du Cariko aldapa gogorretan (11,6 km % 8ra). Vingegaardek erasoa jo du helmugatik 6 kilometrora, eta bere laugarren etapa garaipena lortu du.
2026ko Italiako Giroko 20. etaparen ibilbidea, profila eta ordutegia: Gemona del Friuli-Piancavallo (200 km)
109. Italiako Giroaren azken-aurreko etapako azken hirurogeita hamar kilometroetan, txirrindulariek bi aldiz igo beharko dute Piancavallo lehen mailako mendate gogorra. Hor, Piancavallon, eguna amaituko da, eta ziklistei soilik beste etapa bat geldituko zaie, Erromakoa; hortaz, ia-ia dena erabakiko da 20. etapa honetan.
2026ko Italiako Giroko 19. etaparen ibilbidea, profila eta ordutegia: Feltre-Alleghe (151 km)
Dolomita Alpeetan jokatuko den etapa ikaragarri gogorra da. Txirrindulariek ibilbidean sei mendate jarraian eta, gutxi gorabehera, 5.000 metroko desnibela gainditu beharko dituzte.
Joseba Beloki: “Oso Giro arraroa izaten ari da"
Joseba Beloki txirrindulari ohi eta Giroan lehian ari den Markel Belokiren aitak lasterketaren lehen bi asteen analisia egin du. Giro honetan txirrindulariak "oso azkar" ibili direla esan du eta Giroa bukatzeko falta diren etapetan mugimendu gutxi izango direla iragarri du.
Fredrik Dversnes nagusitu den Italiako Giroko 15. etapako azken kilometroa
Fredrik Dversnes Lavik (Uno-X) norvegiarrak eta Mirco Maestri (Polti) eta Martin Marcellusi (Bardiani) italiarrek esprintean erabaki dute Italiako Giroko 15. etaparen irabazlea. Dversnes gailendu da, lasterketa osoa ihesaldian eman ondoren.
Fredrik Dversnes norvegiarrak garaipen handia lortu du Milanen, ihesaldia azkeneraino eramanda
Martin Marcellusi (Bardiani), Mattia Bais (Polti), Mirco Maestri (Polti) eta Fredrik Dversnes (Uno-X) txirrindulariek helmugaraino eraman dute eguneko ihesaldia. Tropelak ezin izan ditu harrapatu, eta txirrindulari norvegiarra gailendu da esprintean.
ZUZENEAN: Italiako Giroko 15. etapa, Voghera-Milano (157 km)
Jarraitu Italiako Giroko 15. etapako zuzeneako emanaldia, Voghera-Milano (157 km).
Arrieta, mendiko maillotaz: “Vingegaard dagoen bezala, zaila da"
Igor Arrieta (UAE) eguneko ihesaldian izan da Giroko 14. etapan. Azken 13 kilometroetan atzean geratzen hasi da, eta 23. postuan bukatu du etapa. Mendiko maillota lortzeko borrokan jarraitzen du, baina, Vingegaarden sasoia ikusita, zaila izango dela onartu du.